Before Header

ଉଦ୍ଧାର ହେଲେ ୮ ମତ୍ସ୍ୟଜୀବୀ

0 151

ପାରାଦୀପ, (ବଡ଼ ଖବର ବ୍ୟୁରୋ): ପାରାଦୀପ ଲାଇଟ ହାଉସ୍ ନିକଟରେ ବୋଟ ବୁଡି ଘଟଣାରେ ସମସ୍ତ ୮ ଜଣ ମତ୍ସ୍ୟଜୀବୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଆଜି ସକାଳୁ “ମା ମିନି ” ନାମକ ଏକ ବୋଟ୍ ସମୁଦ୍ରକୁ ମାଛ ଧରିବା ପାଇଁ ଯାଇଥିବା ବେଳେ ଲାଇଟ ହାଉସ୍ ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାର କାରଣ ସ୍ପଷ୍ଟ ଜଣାପଡି ନଥିଲେ ମଧ୍ୟ ଉଚ୍ଚ ଢେଉ ସାଙ୍ଗକୁ ସମୁଦ୍ର ଭିତରେ ୨୦୦୯ ମସିହାରେ ବୁଡିଯାଇଥିବା “ଏମ ଭି ବ୍ଲାକରୋଜ” ଜାହାଜରେ ବାଡେଇ ହୋଇ ବୋଟ୍ ଟି ଦୁର୍ଘଟଣା ଗ୍ରସ୍ତ ହୋଇଥିବା ଅନୁମାନ କରାଯାଉଛି।

ତେବେ ବୋଟରେ ମୋଟ ୮ ଜଣ ମତ୍ସଜୀବୀ ଥିଲେ। ଦୁର୍ଘଟଣା ପରେ ୫ ଜଣଙ୍କୁ ଅନ୍ୟ ମାଛଧରା ବୋଟ ଦ୍ୱାରା ସଙ୍ଗେ ସଙ୍ଗେ ଉଦ୍ଧାର କରାଯାଇଥିବା ବେଳେ ୩ ଜଣ ମତ୍ସଜୀବୀ ନିଖୋଜ ଥିଲେ। ପରେ ତିନୋଟି ବଡ ବୋଟ ଦ୍ୱାରା ସେମାନଙ୍କୁ ଉଦ୍ଧାର କରାଯାଇଛି। ଉଚ୍ଚ ଢେଉ ଯୋଗୁଁ ମୁହାଣରେ ମେରାଇନ୍ ପୋଲିସର ବୋଟ ଯାଇ ପାରିବ ନାହିଁ ବୋଲି ମନା କରିବା ପରେ ଅନ୍ୟ ୩ଟି ମାଛ ଧରା ବୋଟ ଦ୍ୱାରା ଉଦ୍ଧାର କାର୍ଯ୍ୟ କରାଯାଇଥିଲା ।

Leave A Reply

Your email address will not be published.