କୋକେନ ଜବତ ଘଟଣା, ଅଟକ ଥିବା ଜଣେ କ୍ରିୟୁ ମେମ୍ବର ହାତ କାଟି ସମୁଦ୍ରକୁ ଡେଇଁଲେ

ପାରାଦୀପ(ବଡ଼ ଖବର ବ୍ୟୁରୋ): ପାରାଦୀପରେ ଜାହାଜରୁ ୨୨୦କୋଟି କୋକେନ ଜବତ ଘଟଣା । ଜାହାଜରୁ ଡେଇଁଲେ ଅଟକ ଥିବା କ୍ରିୟୁ ମେମ୍ବର । ନିଜ ହାତ କାଟିବା ପରେ ସମୁଦ୍ରକୁ ଡେଇଁଲେ କ୍ରିୟୁ ମେମ୍ବର । ଗୁରୁତର ଅବସ୍ଥାରେ ତାଙ୍କୁ ପାରାଦୀପ ପୋର୍ଟ ମେଡିକାଲରେ ଭର୍ତି କରାଯାଇଛି । କ୍ରିୟୁ ମେମ୍ବର ଜଣକ ଭିଏତନାମର ନାଗରିକ । ସେ କାହିଁକି ଆତ୍ମହତ୍ୟା ଉଦ୍ୟମ କରୁଥିଲେ ତାହା ଜଣାପଡ଼ିନାହିଁ । ଗତ ଡିସେମ୍ବର ୧ ତାରିଖରେ ପାରାଦୀପରେ ଏକ ଜାହାଜରୁ କୋକେନ ଜବତ ହୋଇଥିଲା । ଜାହାଜରୁ ୨୨୦ କୋଟି ଟଙ୍କାର କୋକେନ୍ ଜବତ ହେବା ପରେ ୨୧ ଜଣ କ୍ରିୟୁ ମେମ୍ବରଙ୍କୁ ଅଟକ ରଖାଯାଇଛି । କଷ୍ଟମ୍ ବିଭାଗ କ୍ରିୟୁ ମେମ୍ବରଙ୍କୁ ଅଟକ ରଖିଥିବା ବେଳେ ଭିଏତନାମାର କ୍ରିୟୁ ମେମ୍ବର ସମୁଦ୍ରକୁ ଡେଇଁ ପଡ଼ିଥିଲେ ।