କୃଷକ ଆନ୍ଦୋଳନ: ଫାଶୀ ଲଗାଇ ଜଣେ କୃଷକଙ୍କ ଆତ୍ମହତ୍ୟା

ନୂଆଦିଲ୍ଲୀ (ବଡ଼ ଖବର): ଦିନକୁ ଦିନ ଉଗ୍ର ରୂପ ନେଉଛି ଚାଷୀ ଆନ୍ଦୋଳନ । କେନ୍ଦ୍ର ସରକାରଙ୍କ କୃଷି ଆଇନକୁ ନେଇ ଅସନ୍ତୋଷ ଜାରି ରହିଛି । ହରିୟାଣା ବାହାଦୂରଗଡରେ ଜଣେ କୃଷକ ଫାଶୀ ଲଗାଇ ଆତ୍ମହତ୍ୟା କରିଥିବା ଜଣାପଡ଼ିଛି। ସେହିପରି ଟିକ୍ରି ସୀମାରେ ଆଉ ଦୁଇଜଣ ଚାଷୀଙ୍କ ମୃତ୍ୟୁ ବରଣ କରିଛନ୍ତି ।

ଜଣେ କୃଷକ ପଞ୍ଜାବର ସାଙ୍ଗରୁର ଏବଂ ଅନ୍ୟଟି ମୋଗା ଜିଲ୍ଲାର। ଉଭୟ ହୃଦଘାତରେ ମୃତ୍ୟୁ ହୋଇଥିବା ଜଣାପଡ଼ିଛି ।କୃଷକ ଜଣଙ୍କ ସେକ୍ଟର- ୯ ବାଇପାସ୍ ପାର୍କରେ ଥିବା ଏକ ଗଛରେ ଫାଶୀ ଲଗାଇଥିବା ସୂଚନା ମିଳିଛି । ମୃତ ଚାଷୀଙ୍କ ପଖରୁ ଏକ ଆତ୍ମହତ୍ୟା ନୋଟ ମିଳିଛି।

ଆତ୍ମହତ୍ୟା ନୋଟରେ ଏହା ଲେଖାଯାଇଛି ଯେ, ସରକାର କେବଳ ତାରିଖ ଦେଉଛନ୍ତି। କଳା ନିୟମ କେବେ ବାତିଲ ହେବ ଜାଣି ନାହିଁ। କଳା ନିୟମ ବାତିଲ ନ ହେବା ପର୍ୟ୍ୟନ୍ତ ମୁଁ ଏଠାରୁ ଯିବି ନାହିଁ । ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବାସହ ବ୍ୟବଚ୍ଛେଦ ପାଇଁ ସିଭିଲ ହସ୍ପିଟାଲକୁ ପଠାଇଛି।