ପାଣି ଘେରରେ ଲୋକେ, ପହଞ୍ଚିନି ପ୍ରଶାସନ

ନାଉଗାଁ (ବଡ଼ ଖବର ବ୍ୟୁରୋ): ଲଘୁଚାପ ଜନିତ ଲଗାଣ ବର୍ଷାରେ ଉବୁଟୁବୁ ହୋଇଛି ନାଉଗାଁ ବ୍ଲକ। ବ୍ଲକରେ ୪୨୬ ମିଲିମିଟର ବର୍ଷା ରେକର୍ଡ କରାଯାଇଛି। ଜନଜୀବନ ବ୍ୟାପକ କ୍ଷୟକ୍ଷତି ହୋଇଛି। ପାଣି ଘେରରେ ଥିବା ଲୋକଙ୍କ ପାଖରେ ଏପର୍ଯ୍ୟନ୍ତ ପ୍ରଶାସନ ପହଂଚି ପାରିନାହିଁ ।

ତିନି ଦିନ ହେବ ବିଦ୍ୟୁତ ଯୋଗାଣ ମଧ୍ୟ ବନ୍ଦ ରହିଛି । ବିଦ୍ୟୁତ ବିଭାଗ କର୍ମଚାରୀଙ୍କୁ କହିବା ପରେ ୪ଟା ପରେ ସେମାନେ ଆଉ କାମ କରିବେ ନାହିଁ ବୋଲି କହିଛନ୍ତି । ଏବଂ ୨ହଜାର ଟଙ୍କା ଦେଲେ କାମ କରିବୁ ବୋଲି କହିଥିବା ଦୃଶ୍ୟ ଦେଖିବାକୁ ମିଳିଛି ।