ପୀତବାସ ପଣ୍ଡା ହତ୍ୟାକାଣ୍ଡ ମାମଲା, କର୍ପୋରେଟରଙ୍କୁ ଜେରା
ଗଞ୍ଜାମ (ବଡ଼ ଖବର ବ୍ୟୁରୋ): ପୀତବାସ ପଣ୍ଡା ହତ୍ୟାକାଣ୍ଡ ମାମଲା । କର୍ପୋରେଟରଙ୍କୁ ଜେରା କରାଯାଇଛି । ବୈଦ୍ୟନାଥପୁର ଥାନାରେ କର୍ପୋରେଟରଙ୍କୁ ପୋଲିସର ୧୫ ମିନିଟ୍ ଜେରା କରିଛି । ୩ ପୁରୁଣା ଅପରାଧୀଙ୍କୁ ଉଠାଇ ଆଣିଛି ପୋଲିସ । ଖଲ୍ଲିକୋଟ, ଲଙ୍ଗଳଦେଇ ଓ ବ୍ରହ୍ମପୁରର ୩ ଅପରାଧୀ ବୋଲି ଜଣାପଡ଼ିଛି । ଅଟକ ଥିବା ୭ଜଣଙ୍କ ମଧ୍ୟରୁ ୪ ଜଣଙ୍କୁ ଛାଡ଼ିଛି ପୋଲିସ । ସେପଟେ କମାପଲ୍ଲୀ, ମେଡିକାଲ ରୋଡ୍ର ସିସିଟିଭି ଯାଞ୍ଚ କରୁଛି ପୋଲିସ । ବର୍ତ୍ତମାନ ସୁଦ୍ଧା ପୀତବାସ ପଣ୍ଡା ହତ୍ୟା ଘଟଣାରେ ୬ ଅଟକ ଥିବା ସୂଚନା ମିଳିଛି ।
ବିଜେପି ନେତା ପୀତବାସ ପଣ୍ଡାଙ୍କୁ ସୋମବାର ଗୁଳିକରି ହତ୍ୟା କରାଯାଇଥିଲା । ରାତି ପ୍ରାୟ ୧୦ଟାରେ ନିଜ ଘର ପାଖ ବୈକୁଣ୍ଠନଗର ମୁଖ୍ୟ ଗଳିରେ ଠିଆ ହୋଇଥିଲେ ପୀତବାସ। ଏହି ସମୟରେ ଦୁଇ ଦୁର୍ବୃତ୍ତ ବାଇକରେ ଆସି ତାଙ୍କ ଉପରକୁ ଗୁଳି ଚଳାଇ ଚମ୍ପଟ୍ ମାରିଥିଲେ । ସେଇଠି ହିଁ ବେହୋସ୍ ହୋଇ ତଳେ ପଡ଼ିଯାଇଥିଲେ ପୀତବାସ । ବ୍ରହ୍ମପୁର ଏମକେସିଜିରେ ନିଆଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବ୍ୟବଚ୍ଛେଦ ବେଳେ ୯ ଏମଏମ୍ ଗୁଳି ପୀତବାସଙ୍କ ମେରୁଦଣ୍ଡ ନିକଟରୁ ବାହାରିଥିଲା ।