ନାଲକୋ ପ୍ଳାଣ୍ଟରେ ଶ୍ରମିକ ମୃତ

ଅନୁଗୁଳ (ବଡ଼ ଖବର ବ୍ୟୁରୋ): ନାଲକୋର ସ୍ମେଲଟର ପ୍ଲାଣ୍ଟରେ ଦୁର୍ଘଟଣା ଘଟି ଜଣେ ଶ୍ରମିକଙ୍କର ମୃତ୍ୟୁ ହୋଇଛି । ଅନୁୠୁଳ ବଅଁରପାଳ ବ୍ଲକ ଅନ୍ତର୍ଗତ ନାଲକୋ ନଗର ସ୍ମେଲଟର ପ୍ଲାଣ୍ଟରେ ଆଜି ଜଣେ କାର୍ୟ୍ୟରତ ଠିକା ଶ୍ରମିକଙ୍କ ମୃତ୍ୟୁ ହୋଇଛି । ସ୍ମେଲଟର କାରଖାନାରେ ଅକ୍ଷୟ ଦେହୁରୀ (୪୭) ମା’ ମଙ୍ଗଳା କନଷ୍ଟ୍ରକସନରେ ସିଟି ଛପର କାମ କରୁଥିବା ସମୟରେ ଉପରୁ ଖସି ପଡିଥିଲେ । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ତାଙ୍କର ଘର ତୁଳସୀପାଳ ଗ୍ରାମରେ ବୋଲି ଜଣାପଡ଼ିଛି । ଶବକୁ କାରଖାନା ଭିତରେ ରଖି ସେହି ସ୍ଥାନରେ କାମ କରୁଥିବା ସମସ୍ତ ଠିକା କର୍ମଚାରୀ କାରଖାନା ଭିତରୁ ଶବକୁ ବାହାରକୁ ଛାଡୁନାହାନ୍ତି । ଅକ୍ଷୟ ବିନା ସୁରକ୍ଷା ଉପକରଣରେ କାମ କରୁଥିଲେ ବୋଲି ଜଣାପଡ଼ିଛି । ନାଲକୋ କର୍ତ୍ତୃପକ୍ଷ ବିନା ସୁରକ୍ଷା ଉପକରଣରେ ଶ୍ରମିକଙ୍କୁ କିପରି କାର୍ଯ୍ୟ କରାଉଥିଲେ ତାହା ପ୍ରଶ୍ନବାଚୀ ସୃଷ୍ଟି କରିଛି।