ମାଫିଆଙ୍କ ଆକ୍ରମଣରେ ପୋଲିସ ଏସଆଇ ଆହାତ, ୪ ଗିରଫ
ଭୁବନେଶ୍ୱର(ବଡ଼ ଖବର ବ୍ୟୁରୋ): ଦିନକୁ ଦିନ ରାଜଧାନୀ ନିଶାମାଫିଆଙ୍କ ଗନ୍ତାଘର ପାଲଟିବାରେ ଲାଗିଛି । ପୋଲିସ କର୍ମଚାରୀ ମଧ୍ୟ ଏମାନଙ୍କ ଆକ୍ରମଣରୁ ବର୍ତ୍ତୁ ନାହାନ୍ତି । ନିଶା ମାଫିଆଙ୍କୁ ଧରିବାକୁ ଯାଇ ଆକ୍ରମଣର ଶିକାର ହୋଇଛନ୍ତି ଧଉଳି ଥାନା ଏସ୍ଆଇ ରମେଶ ଭୋଳ । ଆକ୍ରମଣରେ ରମେଶଙ୍କ ମୁଣ୍ଡ ଫାଟିଯାଇଛି । ଖବରରୁ ପ୍ରକାଶ ଯେ ଧଉଳି ଥାନା ଏସବିଆଇ ସମ୍ମୁଖରେ ଥିବା ଏକ ପରିତ୍ୟକ୍ତ ଘରେ ଚାଲିଥିଲା ନିଶାକାରବାର ।
ଏ ସଂପର୍କରେ ଖବର ପାଇ ଏସଆଇ ରମେଶ ନିଶା ମାପିଆଙ୍କୁ ଧରିବା ପାଇଁ ଚଢାଉ କରିଥିଲେ । ଚଢାଉ ସମୟରେ ମାଫିଆ ମାନେ ଏସଆଇଙ୍କ ମୁଣ୍ଡକୁ ହାତୁଡିରେ ବାଡେଇଥିଲେ । ଏ ଘଟଣାରେ ୪ ଜଣଙ୍କୁ ଗିରଫ କରାଯାଇଛି । ଅନ୍ୟପଟେ ଆହାତ ଅବସ୍ଥାରେ ଏସଆଇ ଡାକ୍ତରଖାନାରେ ଭତ୍ତି ହୋଇଛନ୍ତି ।
