କୁଚିଣ୍ଡାରେ କଂଗ୍ରେସ ନେତାଙ୍କୁ ନିସ୍ତୁକ ମାଡ଼

ଭୁବନେଶ୍ୱର (ବଡ଼ ଖବର ବ୍ୟୁରୋ): କୁଚିଣ୍ଡାରେ କଂଗ୍ରେସ ନେତାଙ୍କୁ ନିସ୍ତୁକ ମାଡ଼ । ଜୟନ୍ତ କିଷାନଙ୍କୁ ନିର୍ଦ୍ଧୁମ ଛେଚିଲେ । କୁଚିଣ୍ଡା ଯୁବ କଂଗ୍ରେସ ସଭାପତି ଜୟନ୍ତ । ମୁଖ୍ୟମନ୍ତ୍ରୀଙ୍କ ଗସ୍ତ ବେଳେ ହୋଇଛି ଆକ୍ରମଣ । ମମିତା ହତ୍ୟା ନେଇ କରୁଥିଲେ ନାରାବାଜି । ବିଜେଡି କର୍ମୀଙ୍କ ଆକ୍ରମଣ ଅଭିଯୋଗ । ଆହତ ଜୟନ୍ତ କୁଚିଣ୍ଡା ମେଡିକାଲରେ ଭର୍ତ୍ତି ।

ମୁଖ୍ରମନ୍ତ୍ରୀଙ୍କ କୁଚିଣ୍ଡା ଗସ୍ତ ବେଳେ କୁଚିଣ୍ଡା ଯୁବ କଂଗ୍ରେସର ସଭାପତି ଜୟନ୍ତ କିଷାନଙ୍କୁ ବିଜେଡି କର୍ମୀ ଚାରିପଟୁ ଘେରି ପିଟିଛନ୍ତି । ସେଠାରେ ପୋଲିସ ଉପସ୍ଥିତ ଥାଇ ବି ଏଭଳି ଅଭାବନୀୟ କାଣ୍ଡ ଦେଖିବାକୁ ମିଳିଛି । ମମିତା ମେହର ହତ୍ୟା ମାମଲାରେ ଯୁବକଂଗ୍ରେସ ତରଫରୁ ପ୍ରତିବାଦ କରାଯାଇଥିଲା । ଏହି ସମୟରେ ବିଜେଡି କର୍ମୀ ଚାରିପଟୁ ଘେରି ଜୟନ୍ତ କିଷାନଙ୍କୁ ସଙ୍ଘବଦ୍ଧ ଭାବେ ଆକ୍ରମଣ କରିଥିଲେ ।

ତାଙ୍କୁ ନିସ୍ତୁକ ମାଡ ମାରିବା ପରେ ଜୟନ୍ତ କିଷାନ ଗୁରୁତର ଆହତ ହୋଇଛନ୍ତି, ତାଙ୍କୁ କୁଚିଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ପୋଲିସ ଉପସ୍ଥିତିରେ ଏଭଳି କାଣ୍ଡ ଘଟିଲା କିପରି ଓ ସମ୍ବିଧାନ ଅନୁସାରେ ସମସ୍ତଙ୍କ ପ୍ରତିବାଦ କରିବାର ଅଧିକାର ରହିଛି, ତେବେ କ’ଣ ପାଇଁ ତାଙ୍କୁ ସଙ୍ଘବଦ୍ଧ ଆକ୍ରମଣ କରାଗଲା ବୋଲି ପ୍ରଶ୍ନ ଉଠୁଛି ।