ଏପ୍ରିଲରୁ ଲାଗୁ ହୋଇପାରେ ସ୍କ୍ରାପ ପଲିସି

ଭୁବନେଶ୍ୱର (ବଡ଼ ଖବର ବ୍ୟୁରୋ): ୧୫ ବର୍ଷରୁ ଅଧିକ ପୁରୁଣା ଗାଡ଼ି ହଟାଇବାକୁ କେନ୍ଦ୍ର ସରକାର ସ୍କ୍ରାପ ପଲିସି ଆଣିଛନ୍ତି । ଆସନ୍ତା ଏପ୍ରିଲରୁ ଏହା ଲାଗୁ ହେବ ବୋଲି କେନ୍ଦ୍ର ସରକାର ଘୋଷଣା କରିଛନ୍ତି । ତେବେ ଓଡ଼ିଶାରେ ଏହାକୁ କାର୍ଯ୍ୟକାରୀ କରାଯିବା ନେଇ କୌଣସି ନିଷ୍ପତି ହୋଇନଥିବା ପରିବହନ ମନ୍ତ୍ରୀ ପଦ୍ମନାଭ ବେହେରା ଗଣମାଧ୍ୟମକୁ କହିଛନ୍ତି । ସ୍କ୍ରାପ ପଲିସି ନେଇ ମନ୍ତ୍ରୀ କହିଛନ୍ତି ଗାଡ଼ି ଯଦି ଖରାପ ଥିବ ସେ ସଙ୍କ୍ରାନ୍ତରେ ବିଚାର କରାଯିବ ।ଯଦି ଗାଡ଼ି ଠିକ ଥିବ ହଟାଇବା କଷ୍ଟ । ଫିଟନେସ ଥିବା ଗାଡ଼ି ଚାଲିବ ।

ପଞ୍ଜିକରଣ କରି ଗାଡ଼ି ଚାଲିପାରିବ । ସ୍କ୍ରାପ ପଲିସ ଦ୍ୱାରା ଲୋକେ କ୍ଷତିରେ ପଡ଼ିବେ । ପଲିସି ଲାଗୁ ନେଇ ରାଜ୍ୟ କିଛି ନୀତିଗତ ନିଷ୍ପତ୍ତି ନେଇନି । କେତେକ ପୁରୁଣା ଗାଡ଼ି ଅଛି ବିଭାଗ ତଥ୍ୟ ଦାଖଲ କରୁଛି । ସେହିପରି ଇ-ଭେହିକିଲ କାର୍ଯ୍ୟକ୍ଷମ ନେଇ ପରିବହନ ମନ୍ତ୍ରୀ କହିଛନ୍ତି , ଯିଏ ଇ-ଭେହିକିଲ କିଣିବ ରାଜ୍ୟ ସରକାର ତାଙ୍କୁ ପ୍ରୋତ୍ସାହନ ଦେବେ । ନୂଆ ଆଇନ ଆସିବା ପରେ ନିଷ୍ପତ୍ତି ହୋଇଛି । ଚାର୍ଜିଂ ଷ୍ଟେସନ ନେଇ ପ୍ରକ୍ରିୟା ଆରମ୍ଭ ହୋଇଛି । ବିଭାଗୀୟ ଆଲୋଚନା ଚାଲିଛି । ଖୁବଶୀଘ୍ର ଏ ସଂକ୍ରାନ୍ତରେ ନିଷ୍ପତ୍ତି ନିଆଯିବ ।