ସ୍ୱାସ୍ଥ୍ୟ ସେବାର ବିକଳ ଚିତ୍ର
ମୟୂରଭଞ୍ଜ (ବଡ଼ ଖବର ବ୍ୟୁରୋ): ସ୍ୱାସ୍ଥ୍ୟ ସେବାର ବିକଳ ଚିତ୍ର । ପୁଣି ଖଟିଆରେ ବୁହା ହେଲେ ଗର୍ଭବତୀ ମହିଳା । ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଭାଲିଆଡ଼ାଳ ଗ୍ରାମ ପଞ୍ଚାୟତ ଭାଲିଆଡାଳ ଗ୍ରାମ ବେଣୁଆଦର ସାହିରେ। ବେଣୁଆଦର ସାହିର ରାମ ପୂର୍ତ୍ତିଙ୍କ ଗର୍ଭବତୀ ସ୍ତ୍ରୀ ସମ୍ବାରି ପୂର୍ତ୍ତିଙ୍କ ଗର୍ଭ ଯନ୍ତ୍ରଣା ଆରମ୍ଭ ହୋଇଥିଲା । ସ୍ୱାମୀ ରାମ ଫୋନ୍ ଯୋଗେ ୧୦୮ ଆମ୍ବୁଲାନ୍ସ କୁ ଡାକିଥିଲେ।
ମାତ୍ର ଆମ୍ବୁଲାନ୍ସ ଭାଲିଆଡାଳରୁ ବେଣୁଆଦର କୁ ପ୍ରାୟ ୨ କିମି ରାସ୍ତା ଅତି ଖରାପ ଥିବାରୁ ୧୦୮ ଆମ୍ବୁଲାନ୍ସ ସାହି କୁ ଯାଇପାରି ନପାରି ଅଧାବାଟରେ ଅଟକି ରହିଥିଲା। ଫଳରେ ଗର୍ଭ ଯନ୍ତ୍ରଣା ପାଉଥିବା ସମ୍ବାରିକୁ ଶେଷ ରେ ଗ୍ରାମବାସୀ ଏକ ଖାଟିଆରେ ବୋହି ଆଣି ଆମ୍ବୁଲାନ୍ସ ପାଖକୁ ଆଣିଥିଲେ ଓ ଡାକ୍ତରଖାନା ରେ ଭର୍ତ୍ତି କରିଥିଲେ । ସ୍ୱାସ୍ଥ୍ୟ କେନ୍ଦ୍ରରେ ସମ୍ବାରି ଏକ କନ୍ୟା ପ୍ରସବ କରିଥିବା ବେଳେ ସ୍ୱାସ୍ଥ୍ୟ କେନ୍ଦ୍ର ରେ ମା ଓ ଜନ୍ମିତ ଶିଶୁ ର ଅବସ୍ଥା ଭଲ ଥିବାର ଜଣାଯାଇଛି।
ସରକାରଙ୍କ ଗର୍ଭବତୀ , ଶିଶୁ ଓ ମା ଙ୍କ ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିଲେ ମଧ୍ୟ ଦୁର୍ଗମ ଅଞ୍ଚଳକୁ ଭଲ ରାସ୍ତା ସାତ ସପନ ପାଲଟିଛି । ରାସ୍ତାପାଇଁ ଲୋକେ ସମସ୍ୟା ରେ ପଡୁଛନ୍ତି। ତେବେ ଏ ସମ୍ବନ୍ଧରେ ବାରମ୍ବାର ପ୍ରଶାସନ ର ଦୃଷ୍ଟି ଆକ୍ରମଣ କରି ଥିଲେ ମଧ୍ୟ ଆଜି ପର୍ଯ୍ୟନ୍ତ ଗାଁ କୁ ଖଣ୍ଡିଏ ଭଲ ରାସ୍ତା ହୋଇପାରୀଲା ନାହିଁ ।