(ବଡ଼ ଖବର ବ୍ୟୁରୋ): ଟୋକିଓ ପାରାଲିମ୍ପିକ୍ସ ସ୍ୱର୍ଣ୍ଣ ପଦକ ବିଜେତା ଓଡ଼ିଶା ପୁଅ ପ୍ରମୋଦ ଭଗତ ଆଉ ଏକ ଖୁସି ଖବର ଭେଟି ଦେଇଛନ୍ତି । ତେବେ ପ୍ରମୋଦ ସବୋର୍ଚ୍ଚ କ୍ରୀଡା ସମ୍ନାନ ମେଜର ଧ୍ୟାନ ଚାନ୍ଦ ‘ଖେଳ ରତ୍ନ’ ପୁରସ୍କାର ପାଇବେ ପ୍ରମୋଦ ଭଗତ । ଜାତୀୟ କ୍ରୀଡା ପୁରସ୍କାର କମିଟି ବୁଧବାର ପ୍ରମୋଦଙ୍କ ନାଁ ସୁପାରିସ କରିଛି ।
ଏହା ସହ ପ୍ରମୋଦ ପ୍ରଥମ ଓଡ଼ିଆ କ୍ରୀଡ଼ାବିତ ଭାବେ ଖେଳ ରତ୍ନ ପୁରସ୍କାର ପାଇବେ । ତେବେ ଏହା ପୂର୍ବରୁ କୌଣସି ଓଡ଼ିଆ କ୍ରୀଡ଼ାବିତ ଏହି ପୁରସ୍କାର ପାଇ ନାହାନ୍ତି । ପ୍ରମୋଦଙ୍କ ସହିତ ଚଳିତ ବର୍ଷ ମୋଟ ୧୧ ଜଣଙ୍କ ନାଁ ଏହି ସର୍ବୋଚ୍ଚ କ୍ରୀଡ଼ା ସମ୍ମାନ ପାଇଁ ସୁପାରିସ କରାଯାଇଛି । ଗତବର୍ଷ ୫ ଜଣଙ୍କୁ ଖେଳରତ୍ନ ପୁରସ୍କାର ମିଳିଥିଲା ।
