କୋଭିଡ଼ ଟିକାକରଣର ପୂର୍ବ ପ୍ରସ୍ତୁତି ବୈଠକ
ଖଇରା(ବଡ଼ ଖବର ବୁରୋ): କୋଭିଡ଼-୧୯ ଟିକାକରଣ ନିମନ୍ତେ ବ୍ଲକ ସ୍ତରୀୟ ପୂର୍ବ ପ୍ରସ୍ତୁତି ବୈଠକ ବାଲେଶ୍ୱର ଜିଲ୍ଲା ଖଇରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ସଭା ଗୃହ ପରିସରରେ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବ୍ଲକ ଅଧ୍ୟକ୍ଷା ଅଭିଲିପ୍ସା ସାହୁ, ବିଡିଓ ପର୍ଶୁରାମ ପଣ୍ଡା, ଖଇରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଅଧିକାରୀ ଡାକ୍ତର ପ୍ରଭାକର ମିଶ୍ର, ସିଡିପିଓ ରୁନୁରାଣୀ ଦାସ, ବିପିଏମ୍ ସୂର୍ୟ୍ୟକାନ୍ତ ବାରିକ, ପିଏଚଓ ସଂଯୁକ୍ତା ପଣ୍ଡା, ସହକାରୀ ଗୋଷ୍ଠୀ ଶିକ୍ଷାଧିକାରୀ ଗୋଲକ ପ୍ରସାଦ ପାଢ଼ୀ, ଭିଏସ ଡ଼. ରଘୁନାଥ ସିଂ ପ୍ରମୁଖ ଏହି କାର୍ୟ୍ୟକ୍ରମରେ ଉପସ୍ଥିତ ଥିଲେ ।
ଆଗାମୀ ଦିନରେ କୋଭିଡ଼-୧୯ ଟିକା କିଭଳି ବ୍ଲକର ସମସ୍ତ ଜନସାଧାରଣଙ୍କୁ ଟିକାକରଣ କରିହେବ ସେ ଦିଗରେ ସମସ୍ତ ବିଭାଗୀୟ ଅଧିକାରୀମାନେ କାର୍ୟ୍ୟ କରିବେ । ସୂଚାରୁରୂପେ ପରିଚାଳନା କରି ଏହି ଟିକାକରଣରୁ କୌଣସି ଜନସାଧାରଣ ଯେଭଳି ବଞ୍ଚିତ ନହେବେ ଏ ନେଇ ବୈଠକରେ ଆଲୋଚନା କରିଥିଲେ ।