ଆସାଇନମେଣ୍ଟ ଶେଷ କରି ସ୍ଲିପ ମୋଡରେ ରୋଭର ‘ପ୍ରଜ୍ଞାନ’
ସେପ୍ଟେମ୍ବର ୨୨ରେ ସୂର୍ଯ୍ୟଉଦୟ ହେବା ପରେ ପୁଣି କାମ ଆରମ୍ଭ କରିବ ପ୍ରଜ୍ଞାନ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ସ୍ଲିପ ମୋଡରେ ପ୍ରଜ୍ଞାନ । ସେପ୍ଟେମ୍ବର ୨୨ରେ ସୂର୍ଯ୍ୟଉଦୟ ହେବା ପରେ ପୁଣି କାମ ଆରମ୍ଭ କରିବ ରୋଭର । ଗତକାଲି ରୋଭର ପ୍ରଜ୍ଞାନ ତାର ମିଶନ ପୂରା କରିଛି । ଚନ୍ଦ୍ରରେ ସୂର୍ଯ୍ୟାସ୍ତ ପୂର୍ବରୁ ରୋଭର ସମସ୍ତ ତଥ୍ୟ ଲ୍ୟାଣ୍ଡର ବିକ୍ରମ ମାଧ୍ୟମରେ ପୃଥିବୀକୁ ପଠାଇଛି । ଏ ନେଇ ଇସ୍ରୋ ପକ୍ଷରୁ ଟୁଇଟ କରି ସୂଚନା ଦିଆଯାଇଛି । ଚନ୍ଦ୍ରପୃଷ୍ଠରେ ଏକ ସୁରକ୍ଷିତ ସ୍ଥାନରେ ସ୍ଲିପ ମୋଡରେ ରୋଭରକୁ ରଖାଯାଇଛି । ଦୁଇଟି ପ୍ଲେ-ଲୋଡ ଏପିଏକ୍ସଏସ୍ ଏବଂ ଏଲଆଇବିଏସକୁ ମଧ୍ୟ ବନ୍ଦ ରଖାଯାଇଛି ।
Chandrayaan-3 Mission:
The Rover completed its assignments.It is now safely parked and set into Sleep mode.
APXS and LIBS payloads are turned off.
Data from these payloads is transmitted to the Earth via the Lander.Currently, the battery is fully charged.
The solar panel is…— ISRO (@isro) September 2, 2023
ତେବେ ସେପ୍ଟମ୍ବର ୨୨ ତାରିଖରେ ଚନ୍ଦ୍ରରେ ପୁଣି ସୂର୍ଯ୍ୟଦୋୟ ହେବାର ଅଛି । ସୂର୍ଯ୍ୟ ଉଦୟ ହେଲେ ଲ୍ୟାଣ୍ଡରରେ ଲାଗିଥିବା ସୋଲାର ପ୍ୟାନେଲ ଗୁଡିକ ଆଲୋକ ଗ୍ରହଣ କରିବ । ଏବଂ ପୁଣି ରୋଭର କାର୍ଯ୍ୟ ଆରମ୍ଭ କରିବ ବୋଲି ଇସ୍ରୋ ଆଶା ରଖିଛି । ଚନ୍ଦ୍ରପୃଷ୍ଠରେ ପ୍ରବଳ ଥଣ୍ଡା ଯୋଗୁଁ ରୋଭର ଯଦି ସ୍ଲିପ ମୋଡରୁ ଫେରିବ ନାହିଁ, ତେବେ ଏହା ଚନ୍ଦ୍ରପୃଷ୍ଠରେ ଭାରତ ଦୂତ ଭାବେ ରହିବ ବୋଲି ଇସ୍ରୋ ପକ୍ଷରୁ କୁହାଯାଇଛି । କମ ଜୀବନକାଳ ମଧ୍ୟରେ ଶନିବାର ପ୍ରଜ୍ଞାନ ଚନ୍ଦ୍ରପୃଷ୍ଠରେ ୧୦୦ ମିଟର ଦୂରତା ପର୍ଯ୍ୟନ୍ତ ଗତି କରିଛି ।