୯ବର୍ଷରେ ବିଜେପି ସରକାର

ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱାଧୀନ ସରକାରକୁ ୯ ବର୍ଷ ପୂରିଛି। ୨୦୧୪ ମସିହା ମେ’ ୨୬ରେ ମୋଦି ପ୍ରଧାନମନ୍ତ୍ରୀ ଭାବେ ଶପଥ ନେଇଥିଲେ । ବିପୁଳ ଜନ ସମର୍ଥନ ସହ କେନ୍ଦ୍ରରେ ସରକାର ଗଠନ କରିଥିଲା ବିଜେପି । ତେବେ ଏହି ୯ ବର୍ଷର କାର୍ୟ୍ୟକାଳ ମଧ୍ୟରେ ମୋଦି ସରକାର ଦେଶର ହିତ ତଥା ବିକାଶ ଉଦ୍ଦେଶ୍ୟରେ ଅନେକ ବଡ ନିଷ୍ପତ୍ତି ନେଇଛନ୍ତି ।

ତିନ୍ ତଲାକର ପ୍ରତିବନ୍ଧକ ହଟାଇବା ଠାରୁ ଆରମ୍ଭ କରି ଜମ୍ମୁ କାଶ୍ମୀରରେ ଧାରା ୩୭୦ ରଦ୍ଦ ଆଦି ଗୁରୁତ୍ତ୍ୱପୂର୍ଣ୍ଣ ନିଷ୍ପତ୍ତି ସାମିଲ ରହିଛି । ଦେଶର ପ୍ରତିରକ୍ଷା କ୍ଷେତ୍ରରେ ମଧ୍ୟ କେନ୍ଦ୍ର ସରକାରଙ୍କ ପକ୍ଷରୁ ଏଭଳି କିଛି ବଡ ନିଷ୍ପତ୍ତି ନିଆଯାଇଛି । ଏଭଳି ଅନେକ ସଫଳ ଜନ ଉନ୍ନତ୍ତିମୂଳକ କାର୍ଯ୍ୟ ମୋଦି ସରକାର କରିଛନ୍ତି । ବିଜେପି ସରକାରଙ୍କ ୯ ବର୍ଷ ଶାସନର ସଫଳତା ସମ୍ପର୍କରେ ଭୁବନେଶ୍ୱରସ୍ଥିତ ହୋଟେଲ ପାଲ୍ ହାଇଟ୍ସରେ କେନ୍ଦ୍ରମନ୍ତ୍ରୀ ଶ୍ରୀ କିଷନ ରେଡ୍ଡି ଗଙ୍ଗାପୁରମ ଏକ ସାମ୍ବାଦିକ ସମ୍ମିଳନୀ କରିଛନ୍ତି ।