ଚିରାଗ ପାଶୱାନଙ୍କ ସମ୍ପର୍କୀୟଙ୍କ ବିରୋଧରେ ବଳାତ୍କାର ମାମଲା ରୁଜୁ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପୁଣି ଚର୍ଚ୍ଚାରେ ଚିରାଗ ପାଶୱାନ । ଏଥର କୌଣସି ରାଜନୈତିକ ପ୍ରସଙ୍ଗକୁ ନେଇ ନୁହଁ ବରଂ ନିଜ ସମ୍ପର୍କୀୟଙ୍କୁ ନେଇ ଅଡ଼ୁଆରେ ଚିରାଗ ପାଶୱାନ । ତେବେ ତାଙ୍କ ସମ୍ପର୍କୀୟ ଲୋକ ଜନଶକ୍ତି ପାର୍ଟି ସାଂସଦ ରାଜକୁମାର ରାଜଙ୍କ ବିରୋଧରେ ବଳାତ୍କାର ମାମଲା ରୁଜୁ ହୋଇଛି । ମହିଳା ଜଣଙ୍କ ଏଲଜେପି କର୍ମୀ ହୋଇଥିବା ବେଳେ ଏପରି ଘଟଣା ସାମ୍ନାକୁ ଆସି ସମସ୍ତଙ୍କର ଦୃଷ୍ଟିକୁ ଆକର୍ଷଣ କରିଛି ।

ତିନି ମାସ ପୂର୍ବରୁ ବିହାରର ସାମସ୍ତିପୁର ସାଂସଦ ରାଜକୁମାର ତାଙ୍କୁ ବଳାତ୍କାର ଓ ହତ୍ୟା ଧମକ ଦେଇଥିବାର ମହିଳା ଅଭିଯୋଗ କରିଥିଲେ । ଅପରପକ୍ଷରେ ତିନିମାସ ପୁରୁଣା ଅଭିଯୋଗ ଉପରେ ଆଧାର କରି ପୁଲିସ ଏକ ରିପୋର୍ଟ ଦାଖଲ କରିଥିବାର ସୂଚନା ମିଳିଛି । ଅନ୍ୟପଟେ ଏଖବର ସାମ୍ନାକୁ ଆସିବା ପରେ ସାରା ଦେଶରେ ରାଜନୈତିକ ମାହୋଲ ବେଶ ସରଗରମ ହୋଇଉଠିଛି ।