ଚାନ୍ଦବାଲିକୁ ସବଡ଼ିଭିଜନ ଦାବିରେ ଗଣଧାରଣା
ଚାନ୍ଦବାଲି (ବଡ଼ ଖବର ବ୍ୟୁରୋ): ଚାନ୍ଦବାଲିକୁ ସବଡ଼ିଭିଜନ ଦାବି । ୩ ଦିନିଆ ଗଣ ଧାରଣାରେ ଚାନ୍ଦବାଲି କ୍ରିୟାନୁଷ୍ଠାନ କମିଟି । ତହସିଲଦାରଙ୍କ କାର୍ୟ୍ୟାଳୟ ଆଗରେ ଏକ ସର୍ବଦଳୀୟ ବ୍ୟକ୍ତି ବିଶେଷ ମାନେ କ୍ରିୟାନୁଷ୍ଠାନ କମିଟି ମାଧ୍ୟମରେ ଶାନ୍ତିପୂର୍ଣ୍ଣ ଭାବେ ଗଣଧାରଣା ଦେଇଛନ୍ତି । ଐତିହାସିକ ପ୍ରାଚୀନ ନୌବାଣିଜ୍ୟ ସହର ଚାନ୍ଦବାଲିକୁ ରାଜସ୍ଵ ସବଡ଼ିଭିଜନ ଘୋଷଣା କରିବାକୁ ବିଭିନ୍ନ ସମୟରେ ଦାବି ହୋଇଆସୁଛି । କିନ୍ତୁ ଆଜି ଯାଏଁ ସରକାରଙ୍କ ପକ୍ଷରୁ କୌଣସି ପଦକ୍ଷେପ ନିଆଯାଇନାହିଁ ।ପୂର୍ବରୁ ମୁଖ୍ୟମନ୍ତ୍ରୀ, ରାଜସ୍ଵମନ୍ତ୍ରୀ, ରାଜସ୍ଵସଚିବ, ଜିଲ୍ଲାପାଳ ପ୍ରମୁଖଙ୍କୁ ଚାନ୍ଦବାଲିକୁ ରାଜସ୍ଵ ସବଡିଭିଜନ ମାନ୍ୟତା ଦେବା ପାଇଁ ଦାବିପତ୍ର ମଧ୍ୟ ପ୍ରଦାନ କରାଯାଇଥିଲା ।