ରାହୁଲଙ୍କ ଟ୍ୱିଟର ଆକାଉଣ୍ଟ ଅନଲକ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଅନଲକ ହେଲା ରାହୁଲ ଗାନ୍ଧିଙ୍କ ଟ୍ୱିଟର ଆକାଉଣ୍ଟ । କିଛି ଦିନ ଧରି କଂଗ୍ରେସ ନେତା ରାହୁଲ ଗାନ୍ଧିଙ୍କ ଟ୍ୱିଟର ଆକାଉଣ୍ଟକୁ ସାମୟିକ ଭାବେ ସ୍ଥଗିତ ରଖାଯାଇଥିଲା । ଅସ୍ଥାୟୀ ଭାବେ ସସପେଣ୍ଡ ହୋଇଥିବା ରାହୁଲ ଗାନ୍ଧିଙ୍କ ଟ୍ୱିଟର ଆକାଉଣ୍ଟ ଅନଲକ ହୋଇଛି। ରାହୁଲ ଗାନ୍ଧିଙ୍କ ଆକାଉଣ୍ଟ ଟ୍ୱିଟରରେ ଦିଲ୍ଲୀରେ ହୋଇଥିବା ବଳାତ୍କାର ଓ ହତ୍ୟା ମାମଲାର ନଅ ବର୍ଷର ପୀଡିତାଙ୍କ ପିତାମାତାଙ୍କ ବୈଠକର ଚିତ୍ର ସେୟାର କରିଥିବାରୁ ସ୍ଥଗିତ ରଖାଯାଇଛି ।

କଂଗ୍ରେସ ପକ୍ଷରୁ ଏନେଇ ଟ୍ୱିଟରରେ ସ୍ପଷ୍ଟ କରାଯାଇଛି । ଏହାସହ ବନ୍ଦ ହୋଇଥିବା ସମସ୍ତ କଂଗ୍ରେସ ନେତାଙ୍କ ଆକାଉଣ୍ଟକୁ ବି ଅନଲକ କରାଯାଇଛି । କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧି ଗତକାଲି ଟ୍ୱିଟରକୁ ଟାର୍ଗେଟ କରିଥିଲେ । ସେ କହିଥିଲେ ଯେ କମ୍ପାନୀ ଭାରତରେ ବ୍ୟବସାୟ କରୁନାହିଁ, ଏହା ଦେଶର ରାଜନୀତିର ଦିଗ ସ୍ଥିର କରିବାକୁ କାର୍ଯ୍ୟ କରୁଛି । ରାହୁଲ ଗାନ୍ଧୀ କହିଥିଲେ ଯେ ଜଣେ ରାଜନେତା ଭାବରେ ମୁଁ ଏହାକୁ ଆଦୌ ପସନ୍ଦ କରେ ନାହିଁ । କମ୍ପାନୀ ଦ୍ୱାରା ଏଭଳି ପଦକ୍ଷେପ ନିଆଯିବା ହେଉଛି ଦେଶର ଗଣତାନ୍ତ୍ରିକ ଗଠନ ଉପରେ ଆକ୍ରମଣ ।