ଜବତ ଟଙ୍କା ସହ କଂଗ୍ରେସର କୌଣସି ସମ୍ପର୍କ ନାହିଁ: ଧୀରଜ ସାହୁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଜବତ ଟଙ୍କା ସହ କଂଗ୍ରେସର କୌଣସି ସମ୍ପର୍କ ନାହିଁ । ଏହା ମୋ ପାରିବାରିକ ବ୍ୟବସାୟ ।ଏ ବିଷୟରେ ମୋ ପରିବାର ଉତ୍ତର ଦେଲେ । ଜବତ ହୋଇଥିବା ଟଙ୍କା ସହ କୌଣସି ରାଜନୈତିକ ଦଳର କୌଣସି ସମ୍ପର୍କ ନାହିଁ । ଏଭଳି କହିଛନ୍ତି କଂଗ୍ରେସ ସାଂସଦ ଧୀରଜ ସାହୁ । ରାଜ୍ୟରେ ହୋଇଥିବା ବଡ଼ ଧରଣର ଆଇଟି ରେଡରେ ଜବତ ହୋଇଥିଲା ୩୫୦ କୋଟିରୁ ଅଧିକ ଟଙ୍କା ।

ବଲାଙ୍ଗୀର ସୁଦପଡାରୁ କେବଳ ୩୦୫ କୋଟି ଟଙ୍କା ଜବତ କରାଯାଇଥିଲା । ଧୀରଜ କହିଛନ୍ତି, ବଡ଼ ପରିବାର ହୋଇଥିବା ବେଳେ ପରିବାରର ଏକାଧିକ ସଦସ୍ୟ ବ୍ୟବସାୟରେ ଅଛନ୍ତି । ଏବଂ ଏହା ପାରିବାରିକ ବ୍ୟବସାୟର ଟଙ୍କା । ମୋର ପରିବାର ବର୍ଷ ବର୍ଷ ଧରି ମଦ ବ୍ୟବସାୟରେ ସଂପୃକ୍ତ ରହିଛି । ବ୍ୟବସାୟ ଏବଂ ଟିକସ ଦେବା ପାଇଁ କିଛି ଟଙ୍କା ରଖାଯାଇଥିଲା । ତେବେ ସମୟ ଆସିଲେ, ସବୁ ସ୍ପଷ୍ଟ ହୋଇଯିବ ବୋଲି କହିଛନ୍ତି ଝାଡ଼ଖଣ୍ଡରୁ ସାଂସଦ ଭାବେ ନିର୍ବାଚିତ ହୋଇଥିବା ଧୀରଜ ସାହୁ ।