ଅମୃତପାଲଙ୍କୁ ଯିବାକୁ ନଦେବା ପାଇଁ ନେପାଳ ସରକାରଙ୍କୁ ଅନୁରୋଧ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ):ଏବେ ବି ଧରାପଡି ନାହିଁ ଅମୃତପାଲ ସିଂ । ପୋଲିସ ଏବେ ବି ଖୋଜିବା ଜାରି ରଖିଛି । ସଂପ୍ରତି ନେପାଳରେ ଅମୃତପାଲ ଆତ୍ମଗୋପନ କରିଥିବା ଜଣାପଡ଼ିଛି । ପଳାତକ ଉଗ୍ରବାଦୀ ପ୍ରଚାରକ ଅମୃତପାଲ ସିଂଙ୍କୁ ତୃତୀୟ ଦେଶକୁ ପଳାୟନ କରିବାକୁ ଅନୁମତି ନଦେବାକୁ ଭାରତ ନେପାଳ ସରକାରଙ୍କୁ ଅନୁରୋଧ କରିଛି। ଭାରତୀୟ ପାସପୋର୍ଟ କିମ୍ବା ଅନ୍ୟ କୌଣସି ନକଲି ପାସପୋର୍ଟ ବ୍ୟବହାର କରି ପଳାତକ ଉଗ୍ରବାଦୀ ପ୍ରଚାରକ ଅମୃତପାଲ ସିଂହ ନେପାଳରୁ ପଳାୟନ କରିବାକୁ ଚେଷ୍ଟା କରୁଥିବା ଭାରତ ସରକାର ନେପାଳକୁ ଜଣାଇଛନ୍ତି।
କାଠମାଣ୍ଡୁ ପୋଷ୍ଟ ଖବରକାଗଜର ରିପୋର୍ଟ ଅନୁଯାୟୀ କାଠମାଣ୍ଡୁସ୍ଥିତ ଭାରତୀୟ ଦୂତାବାସ ଶନିବାର କନ୍ସୁଲାର ସର୍ଭିସ ବିଭାଗକୁ ପଠାଇଥିବା ଏକ ଚିଠିରେ ଅମୃତପାଲଙ୍କୁ ନେପାଳରୁ ପଳାୟନ କରିବାକୁ ଚେଷ୍ଟା କଲେ ତାଙ୍କୁ ଗିରଫ କରିବାକୁ ସରକାରୀ ଏଜେନ୍ସିଗୁଡ଼ିକୁ ଅନୁରୋଧ କରିଛି। ମିଳିଥିବା ଚିଠିର ଏକ କପି ଦର୍ଶାଇ ଖବରକାଗଜ କହିଛି, ସିଂହ ଏବେ ନେପାଳରେ ଲୁଚି ରହିଛନ୍ତି।
ଅମୃତପାଲ ସିଂହଙ୍କୁ କୌଣସି ତୃତୀୟ ଦେଶକୁ ନେପାଳ ଦେଇ ଯିବାକୁ ଅନୁମତି ଦିଅନ୍ତୁ ନାହିଁ ଏବଂ ଯଦି ଅମୃତପାଲ ସିଂହ ଭାରତୀୟ ପାସପୋର୍ଟ କିମ୍ବା ଅନ୍ୟ କୌଣସି ନକଲି ପାସପୋର୍ଟ ବ୍ୟବହାର କରି ନେପାଳରୁ ପଳାୟନ କରିବାକୁ ଚେଷ୍ଟା କରନ୍ତି ତେବେ ତାଙ୍କୁ ଗିରଫ କରିବାକୁ ବୈଦେଶିକ ମନ୍ତ୍ରାଳୟର ଇମିଗ୍ରେସନ ବିଭାଗକୁ ଜଣାଇବାକୁ ଅନୁରୋଧ କରାଯାଇଛି।