https://youtu.be/Bs_qIaXQg5o
ଉତ୍ତରାଖଣ୍ଡ (ବଡ଼ ଖବର ବ୍ୟୁରୋ): କିଛି ସମୟର ଅପେକ୍ଷା । ଅନ୍ଧାରୀ ସୁଡଙ୍ଗରୁ ମିଳିବ ମୁକ୍ତି । ଦେଖିବେ ଆଲୋକ । ଦେଖିବ ପରିବାର । ଦେଖିବେ ଦୁନିଆ । ଉଦ୍ଧାର ହେବେ ୪୧ ଶ୍ରମିକ । ଶ୍ରମିକଙ୍କ ଜୀବନ ବଞ୍ଚାଇବା ପାଇଁ ଉଦ୍ଧାରକାରୀ ଦଳ ଲଗାଇଛନ୍ତି ଜୋର । ରାତି ଅନିଦ୍ରା ହୋଇ ଚଲାଇଛନ୍ତି କାମ । ପାଖାପାଖି ୯୦ ପ୍ରତିଶତ ଡ୍ରିଲିଂ କାମ ଶେଷ ହୋଇସାରିଛି । ମୋଟ ୫୭ ମିଟର ଡ୍ରିଲ କରିବାକୁ ଥିବା ବେଳେ ଏବେ ସୁଦ୍ଧା ୪୫ ମିଟର ଡ୍ରିଲ ହୋଇଥିବା ନେଇ ସୂଚନା ମଳିଛି । ଫଶିରହିଥିବା ଶ୍ରମିକଙ୍କଠୁ ଆଉ ୧୨ ମିଟର ଦୂରତା ରହିଛି ।
ଗତକାଲି ରାତିରେ ଡ୍ରିଲିଂ ମେସିନର ବ୍ଲେଡ ଭାଙ୍ଗିଯବାରୁ ଉଦ୍ଧାର କାମ ବାଧାପ୍ରାପ୍ତ ହୋଇଥିଲା । ପରେ ପୁଣି ଉଦ୍ଧାରକାର୍ଯ୍ୟ ଆରମ୍ଭ ହୋଇଛି । ତେଣୁ ଶ୍ରମିକଙ୍କୁ ଉଦ୍ଧାର ପାଇଁ ଆଉ କିଛି ସମୟ ଲାଗିପାରେ ବୋଲି ସୂଚନା ଆସିଛି । ସେପଟେ ଟନେଲ୍ ବାହାରେ ବ୍ୟାପକ ଆମ୍ବୁଲାନ୍ସ ପ୍ରସ୍ତୁତ ରହିଛି । ଏପରିକି ଶ୍ରମିକଙ୍କ ପାଇଁ ଅସ୍ଥାୟୀ ହସ୍ପିଟାଲର ବ୍ୟବସ୍ଥା କରାଯାଇଛି । ଆଉ ୪୧ ଶ୍ରମିକଙ୍କ ପାଇଁ ଅସ୍ଥାୟୀ ବେଡ୍ ମଧ୍ୟ ପ୍ରସ୍ତୁତ ରହିଛି । ଉଦ୍ଧାର ପରେ ସେମାନଙ୍କୁ ତୁରନ୍ତ ଚିକିତ୍ସା ଯୋଗାଇ ଦିଆଯିବ ।
