ରାସ୍ତାକଡ଼ରୁ ଶବ ଉଦ୍ଧାର
ଟାଙ୍ଗୀ-ଚୌଦ୍ୱାର(ବଡ଼ ଖବର ବ୍ୟୁରୋ): କଟକ ଜିଲ୍ଲା ଚୌଦ୍ୱାର ଥାନା ଅନ୍ତର୍ଗତ କପିଳାସ-ଟାଙ୍ଗି ରାସ୍ତାକଡ କୁସୁନପୁର ନିକଟରେ ଆଜି ସକାଳେ ଏକ ଜାରିପାଲରେ ଗୁଡା ହୋଇ କିଛି ପଡିଥିବାର ସ୍ଥାନୀୟ ଲୋକେ ଦେଖିଥିଲେ । ସେଥିରୁ ଦୁର୍ଗନ୍ଧ ବାହାରୁଥିବାରୁ ଲୋକମାନେ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ଜରିପାଲ ଖୋଲି ଦେଖିବାରୁ ତାହା ଭିତରେ ୨ଟି ଅଖାରେ ଗୋଟେ ମୃତଦେହ ଥିବା ଦେଖିବାକୁ ମିଳିଥିଲା। ମୃତଦେହଟି ଏକ ଗାଡି କଭରରେ ଗୁଡାଯାଇଥିବା ପ୍ରତକ୍ଷଦର୍ଶୀଙ୍କ କହିଛନ୍ତି । ବୁଧବାର ରାତିରେ କେହି ଏହି ମୃତ ଦେହଟିକୁ ଏଠି ପକାଇ ଦେଇଛି। ଅପରପକ୍ଷରେ ପୋଲିସ ସାଇଣ୍ଟିଫିକ ଟିମ ସହାୟତାରେ ତଦନ୍ତ ଚଳାଇଛି।