ବିଲରେ ପଡିଛି ପାଚିଲା ଧାନ, ଚିନ୍ତାରେ ଚାଷୀ

ବିଂଝାରପୁର (ବଡ଼ ଖବର ବ୍ୟୁରୋ): ବିଲରେ ପଢ଼ିଛି ପାଚିଲା ଧାନ, ଅମଳ ସମୟରେ ଡରାଉଛି ଅଦିନିଆ ବର୍ଷା । ଯାହାକୁ ନେଇ ଚିନ୍ତାରେ ବିଂଝାରପୁର ଅଂଚଳର ସମସ୍ତ ଚାଷୀ । ବିଂଝାରପୁରରେ ଆଜି ଅନେକ ସ୍ଥାନରେ ଝିପି ଝପି ବର୍ଷା ଲାଗିରହିଛି । ଯାହାକୁ ନେଇ ଚାଷୀମାନଙ୍କ ମଧ୍ୟ୍ୟରେ ଭୟର ଵାତାବରଣ ଦେଖିବାକୁ ମିଳିଛି । ଯଦି ବର୍ତ୍ତମାନ ସମୟରେ ଅଧିକ ବର୍ଷା ହୁଏ ତେବେ ସମସ୍ତ ଚାଷ କ୍ଷତିଗ୍ରସ୍ତ ହୋଇଯିବ । ତେଣୁ ତରବରିଆ ଭାବେ କିଏ ନିଜର ଧାନକୁ ଘରକୁ ଉଠାଇ ନେଲେଣି ତ ପୁଣି କିଏ ସେହି ଚାଷ ଜମିରେ ନିଜର ପାଚିଲା ଧାନକୁ ପଞ୍ଜାଇ ରଖିଲେଣି । ତେଣୁ ବର୍ତମାନ ଶସ୍ୟ ଅମଳର ସମୟ ହୋଇଥିବାରୁ ସମଗ୍ର ଓଡ଼ିଶାରେ ସମାନ ସ୍ଥିତି ଦେଖିବାକୁ ମିଳୁଛି ।