ପଞ୍ଜାବ ପୋଲିସର ଘୋଷଣା, ଅମ୍ରିତଙ୍କ ସୂଚନା ଦେଲେ ମିଳିବ ପୁରସ୍କାର

ଚଣ୍ଡିଗଡ (ବଡ଼ ଖବର ବ୍ୟୁରୋ): ଖଲିସ୍ତାନୀ ନେତା ଅମ୍ରିତପାଲ ସିଂ କିଛି ଦିନ ହେବ ଫେରାର ଅଛନ୍ତି। ତାଙ୍କୁ ଖୋଜିବା ପାଇଁ ପୋଲିସ କ୍ରମାଗତ ଭାବରେ ସର୍ଚ୍ଚ ଅପରେଶନ ଜାରି ରଖିଛି । କିନ୍ତୁ ଏ ପର୍ଯ୍ୟନ୍ତ ତାଙ୍କୁ ଗିରଫ କରିବାରେ ସକ୍ଷମ ହୋଇ ନାହିଁ ପଞ୍ଜାବ ପୋଲିସ । ବର୍ତ୍ତମାନ ଅମ୍ରିତପାଲଙ୍କୁ ଧରିବା ପାଇଁ ପୋଲିସ ସାଧାରଣ ଜନତାଙ୍କ ସହଯୋଗ ଲୋଡିଛି। ବଟାଲା ରେଳ ଷ୍ଟେସନରେ ଅମ୍ରିତପାଲଙ୍କ ପୋଷ୍ଟର ଲଗାଇଛି ପୋଲିସ।

ଏହି ପୋଷ୍ଟରଗୁଡ଼ିକରେ ଲେଖାଯାଇଛି ଯେ, ଅନେକ ଦିନ ହେଲା ପୋଲିସ ଅମ୍ରିତପାଲଙ୍କୁ ଖୋଜୁଛି। ଯଦି କେହି ତାଙ୍କ ବିଷୟରେ କୌଣସି ସୂଚନା ପାଆନ୍ତି, ତେବେ ତୁରନ୍ତ ପୋଲିସକୁ ଜଣାଇବେ। ସୂଚନା ଦେଉଥିବା ବ୍ୟକ୍ତିଙ୍କୁ ଉପଯୁକ୍ତ ପୁରସ୍କାର ଦିଆଯିବ ହେଲେ ତାଙ୍କ ନାମ ଗୋପନ ରଖାଯିବ।