ପେଟ୍ରୋଲ ଦର ବୃଦ୍ଧି

ଭୁବନେଶ୍ୱର(ବଡ଼ ଖବର ବ୍ୟୁରୋ): ୨ମାସ ପରେ ପେଟ୍ରୋଲ ଏବଂ ଡିଜେଲ ଦର ବଢିଛି । କ୍ରମାଗତ ଭାବେ ତୃତୀୟ ଦିନ ଲାଗି ଡିଜେଲ ଦର ବଢିଛି । ଶେଷ ଥର ପାଇଁ ପେଟ୍ରୋଲ ଜୁଲାଇ ୧୭ରେ ବୃଦ୍ଧି ପାଇଥିବା ତୈଳ ନିଗମ ପକ୍ଷରୁ ସୂଚନା ଦିଆଯାଇଛି । ଦେଶର ପ୍ରମୁଖ ତୈଳ କମ୍ପାନୀ ଭାରତୀୟ ତୈଳ ନିଗମର ସୂଚନା ଅନୁସାରେ ମଙ୍ଗଳବାର ଭୁବନେଶ୍ୱରରେ ଡିଜେଲ ୨୮ ପଇସା ଏବଂ ପେଟ୍ରୋଲ୨୨ ପଇସା ବୃଦ୍ଧି ହୋଇଛି ।

ଫଳରେ ଡିଜେଲ ଲିଟର ପିଛା ୯୭.୬୭ ଟଙ୍କା ଏବଂ ପେଟ୍ରୋଲ ୧୦୨.୨୬ ଟଙ୍କାରେ ବିକ୍ରି ହେଉଛି । ସେହିଭଳି କଟକରେ ଡିଜେଲ ଲିଟର ପିଛା ୯୮.୦୧ ଟଙ୍କା ଓ ପେଟ୍ରାଲ ୧୦୨.୬୧ ଟଙ୍କାରେ ପହଞ୍ଚିଛି । ସେହିପରି ନୂଆଦିଲ୍ଲୀରେ ମଧ୍ୟ ଡିଜେଲ ୨୫ ପଇସା ଏବଂ ପେଟ୍ରୋଲ୨୦ ପଇସା ବଢିଥିବା ଜଣାପଡିଛି । ଫଳରେ ସେଠାରେ ଡିଜେଲ ଲିଟର ପିଛା ୮୯.୫୭ଟଙ୍କା ଏବଂ ପେଟ୍ରୋଲ ୧୦୧.୩୯ ଟଙ୍କାରେ କାରବାର ହେଉଛି ।