ଫସଲ ବୀମା ଦାବି ନେଇ ରାସ୍ତାରୋକ

ବେଲପଡ଼ା, (ବଡ଼ ଖବର ବ୍ୟୁରୋ): ବଲାଙ୍ଗୀର ଜିଲ୍ଲା ବେଲପଡ଼ା ବ୍ଲକ ସଲଣ୍ଡି ପଞ୍ଚାୟତର ଚାଷୀ ୨୦୧୯ ଫସଲବୀମା ପାଇବାରୁ ବଞ୍ଚିତ ହୋଇଛନ୍ତି । ଏହି ଅଭିଯୋଗ ନେଇ ଆଜି ଚାଷୀମାନେ କଣ୍ଟାବାଞ୍ଜି-ବଲାଙ୍ଗୀର ରାସ୍ତା ଉଡିଙ୍ଗ ଛକଠାରେ ରାସ୍ତାରୋକ କରିଛନ୍ତି। ସେମାନେ ଅଭିଯୋଗ କରିଛନ୍ତି ଯେ ସଲଣ୍ଡି ପଞ୍ଚାୟତର ଚାଷୀମାନେ ୨୦୧୯ ଫସଲବୀମାରୁ ବଞ୍ଚିତ ହୋଇଛନ୍ତି। ଏହି ପଞ୍ଚାୟତକୁ ଛାଡ଼ି ଅନ୍ୟ ସବୁ ପଞ୍ଚାୟତର ଚାଷୀ ବୀମା ପାଇଛନ୍ତି ହେଲେ ସଲଣ୍ଡି ପଞ୍ଚାୟତ କାହିଁକି ବୀମାରୁ ବାଦ ପଡ଼ିଛି ବୋଲି ସେମାନେ ପ୍ରଶ୍ନ କରିଛନ୍ତି। ଚାଷୀମାନେ ଅନେକ ସମୟରେ ନିଜ ସମସ୍ୟା ନେଇ ପ୍ରଶାସନକୁ ଅଭିଯୋଗ କରିଛନ୍ତି। କିନ୍ତୁ ପ୍ରଶାସନ କୌଣସି ପଦକ୍ଷେପ ନେଇନାହିଁ । ତେଣୁ ଚାଷୀମାନେ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇ ଆନ୍ଦୋଳନ କରିଥିବା କହିଛନ୍ତି।