ବାଲେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶା ପ୍ରବେଶ ଦ୍ଵାର ଲକ୍ଷ୍ମଣନାଥ ଟୋଲଗେଟ୍ ନିକଟରେ ପୁଣି ଡକାୟତି ଆରମ୍ଭ । ମାସକୁ ପାଖାପାଖି ୬ ଲକ୍ଷ ରୁ ୭ ଲକ୍ଷ ଲୁଟୁଛନ୍ତି ଲୁଟେରା । ବାହାର ରାଜ୍ୟର ବସ, ଟ୍ରକ୍ ଓ ପିକପ ଭ୍ୟାନ୍ ଭଳି ଗାଡିରୁ ଜବରଦସ୍ତ କହୁଛନ୍ତି ଡକାୟତି । ନିର୍ଦ୍ଧିଷ୍ଟ କିଛି ଯୁବକ ରାତିଦିନ ଟୋଲ୍ ଗେଟ୍ ନିକଟରେ ଚଳାଇଛନ୍ତି ଲୁଟ୍ । ପୂର୍ବରୁ କିଛି ଯୁବକ ଟୁରିଷ୍ଟ ବସରୁ ଅର୍ଥ ଆଦାୟ କରି ପୋଲିସ ହତାରେ ଧରାପଡ଼ି ହୋଇଥିଲେ ଗିରଫ । ଏବେ ପୋଲିସର ନିଷ୍କ୍ରିୟତା ପାଇଁ ପୁଣି ଡକାୟତ ଦଳ ହେଇଛନ୍ତି ସକ୍ରିୟ ।
ନିଜକୁ ପୋଲିସ ଓ ଆରଟିଓ ଷ୍ଟାପ୍ କହି ବସ୍ , ଟ୍ରକ୍ ଓ ପିକପରୁ ପ୍ରତିଦିନ ଆଦାୟ କରୁଛନ୍ତି ୨୦ ରୁ ୨୫ ହଜାର । ଯେଉଁଠି ଟୋଲଗେଟର କ୍ୟାମେରା ଆଗାରେ ଏତେବଡ ଡ଼କାୟତି ଉପରେ ବାଲେଶ୍ୱର ଏସପିଙ୍କ କାହିଁକି ପଡୁନି ଦୃଷ୍ଟି । ଟୋଲଗେଟ୍ କ୍ୟାମେରାକୁ ଯାଞ୍ଚ କଲେ କିଏସେ ଲୁଟେରା ଯାହାର ସବୁ କିଛି ହୋଇଯିବ ପର୍ଦ୍ଦାଫାଶ । ଆଉ ଏ ଲୁଟେରାଙ୍କ ପଛରେ କେଉଁ ବାବୁଙ୍କ ହାତ ରହିଛି ଯାହା ଏସପି ଖୋଦ୍ ଜାଣିପାରିବେ ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।
