https://youtu.be/M6y4sZN-jdM
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଗାମୀ ସପ୍ତାହରେ ସଂସଦର ଶୀତକାଳୀନ ଅଧିବେଶନ । ଏହି ଅଧିବେଶନ ଆରମ୍ଭ ପୂର୍ବରୁ କେନ୍ଦ୍ର ସରକାର ଜାରି କରିଛନ୍ତି ନୂଆ ନିୟମ । ରାଜ୍ୟସଭାର ସଦସ୍ୟମାନଙ୍କ ପାଇଁ ଏହି ନିୟମ ଲାଗୁ କରାଯାଇଛି । ଗୃହରେ ‘ଥାଙ୍କ ୟୁ’, ‘ଥ୍ୟାଙ୍କସ’ ଓ ‘ଜୟ ହିନ୍ଦ’ ଆଦି ନାରା ଦେଇ ପାରିବେନି ସଦସ୍ୟ । ଖାଲି ସେତିକି ନୁହେଁ ବିଦେଶ ଯାତ୍ରା ପୂର୍ବରୁ ରାଜ୍ୟସଭାର ସଦସ୍ୟମାନେ କେନ୍ଦ୍ର ସରକାରଙ୍କ ଠାରୁ ଅନୁମତି ନେବେ ।
ଡିସେମ୍ବର ୪ ରୁ ସଂସଦର ଶୀତକାଳୀନ ଅଧିବେଶନ ଆରମ୍ଭ ହେବାକୁ ଯାଉଥିବା ବେଳେ ତା’ ପୂର୍ବରୁ କେନ୍ଦ୍ର ସରକାର ରାଜ୍ୟସଭାର ସଦସ୍ୟଙ୍କ ପାଇଁ କିଛି ନୀତି, ନିୟମ ଜାରି ଜାରି କରିଛନ୍ତି । ସଦନରେ ଉଠିଥିବା ବିଷୟକୁ ପୂର୍ବରୁ ପ୍ରଚାର କରିପାରିବେନି । ନୋଟିସ ମଞ୍ଜୁର ନହେବା ପର୍ଯ୍ୟନ୍ତ ସ୍ଥାୟୀ ସଦସ୍ୟଙ୍କୁ ମଧ୍ୟ ଏହା ନ କହିବାକୁ କୁହାଯାଇଛି । ସଂସଦ ଭବନର ମାନ ମର୍ଯ୍ୟଦା ରଖିବା ପାଇଁ ଧ୍ୟାନ ଦେବାକୁ ସାଂସଦମାନଙ୍କୁ କୁହାଯାଇଛି ।
ଏଥିସହିତ ଗୃହର କାର୍ୟ୍ୟ ଚାଲିଥିବା ସମୟରେ କୌଣସି ନାରାବାଜୀ ଓ ପ୍ଲାକାର୍ଡ ନ ଦେଖାଇବାକୁ ପରାମର୍ଶ ଦିଆଯାଇଛି । ଯେ ପର୍ୟ୍ୟନ୍ତ କୌଣସି ନୋଟିସକୁ ସ୍ୱୀକାର କରାଯାଇନାହିଁ, ସେ ପର୍ଯ୍ୟନ୍ତ ଏହାର ପ୍ରଚାର ନ କରିବାକୁ କୁହାଯାଇଛି । କୌଣସି ମିଡ଼ିଆ ବା ଅନ୍ୟ ସାଥୀ ସାଂସଦଙ୍କ ସହ ଏହି ନୋଟିସ ପ୍ରସଙ୍ଗରେ କୌଣସି ତଥ୍ୟ ସେୟାର ନ କରିବାକୁ କୁହାଯାଇଛି ।
