ପଞ୍ଜାବ ସରକାର ଛାଡ଼ କଲେ ବକେୟା ବିଦ୍ୟୁତ ବିଲ

ଅମୃତସର (ବଡ଼ ଖବର ବ୍ୟୁରୋ): ରାଜ୍ୟରେ ବିଜୁଳି ଗ୍ରାହାକଙ୍କ ପାଇଁ ବକେୟା ବିଲ ଛାଡ଼ କରିଛନ୍ତି ରାଜ୍ୟସରକାର । ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି ଗ୍ରାହକଙ୍କ ପାଇଁ ବକେୟା ବିଲ ଛାଡ଼ କରିଛନ୍ତି । ସେ କହିଛନ୍ତି ପଞ୍ଜାବ ସରକାର ବକେୟା ବିଲ ଛାଡ଼ କରିବା ପାଇଁ ନିଷ୍ପତ୍ତି ନେଇଥିଲେ ଏବଂ କାର୍ଯ୍ୟକାରୀ କଲେ । ବିଲ ଛାଡ଼ ଦ୍ୱାରା ରାଜ୍ୟ ରାଜକୋଷ ଉପରେ ୧୨୦୦ କୋଟି ଟଙ୍କାର ଚାପ ପଡ଼ିବ ।

ସୂଚନା ଅନୁସାରେ ପଞ୍ଜାବ ସରକାର ଗତ ମାସରେ ଘୋଷଣା କରିଥିଲେ ଯେ ରାଜ୍ୟରେ ଯେଉଁମାନଙ୍କର ୨ କିଲୋୱାଟ ପର୍ଯ୍ୟନ୍ତ ବିଦ୍ୟୁତ ଯୋଗାଣ ଥିବ ସେମାନଙ୍କର ବିଦ୍ୟୁତ ବିଲ ଛାଡ଼ କରାଯିବ । ସେହିପରି ବିଜୁଳି ବିଲ ପୈଠ କରିନଥିବା ଯୋଗୁଁ ଯେଉଁମାନଙ୍କର ବିଦ୍ୟୁତ ସଂଯୋଗ କଟି ଯାଇଛି ସେମାନଙ୍କୁ ନୂଆ ବିଦ୍ୟୁତ ସଂଯୋଗ ଦିଆଯିବ ବୋଲି ସେ କହିଛନ୍ତି ।