ଧରାପଡ଼ିଲା ପାଞ୍ଚ ଜଣିଆ ଡକାୟତ ଦଳ

ଭୁବନେଶ୍ୱର, (ବଡ଼ ଖବର ବ୍ୟୁରୋ) : ଭୁବନେଶ୍ୱରରେ ଦିନ କୁ ଦିନ ବଢ଼ିଚାଲିଛି ଡକାୟତି । ଜାତୀୟ ରଜପଥ ପାଲଟିଛି ଅପରାଧୀ ଓ ଡକାୟତମାନଙ୍କ ପେଣ୍ଠସ୍ଥଳୀ । ଏମାନଙ୍କୁ ଧରିବା ପାଇଁ ପୋଲିସ ମଧ୍ୟ ନାକେଦମ୍ ହେଉଛି । ବର୍ତ୍ତମାନ ରାଜଧାନୀ ଅସୁରକ୍ଷିତ ବୋଲି ମନେ କରୁଛନ୍ତି ରାଜଧାନୀବାସୀ । ଆଜି ସହିଦନଗର ପୋଲିସ ଏକ ଟିମ୍ ସାହାଯ୍ୟରେ ୫ଜଣିଆ ଡକାୟତ ଦଳକୁ ଗିରଫ କରିବାରେ ସଫଳ ହୋଇଛି । ଡକାୟତମାନେ ଏକ ବଡ଼ଧରଣର ଡକାୟତି ଉଦ୍ୟମ ସମୟରେ ସେମାନଙ୍କୁ କାବୁ କରିଛି ପୋଲିସ ।

ଡକାୟତମାନଙ୍କ ଠାରୁ ୫ଟି ମୋବାଇଲ, ଗୋଟେ ଲାପଟପ୍, ଗୋଟେ ସୁନା ଚେନ୍ ସହ ଦୁଇଟି ମୁଦି ଜବତ କରିଛି ପୋଲିସ୍ । ଡକାୟତି ପାଇଁ ବ୍ୟବହୃତ ୩ଟି ମୋଟସାଇକେଲ ସହ ଏକ ମାରଣାସ୍ତ୍ର ଜବତ କରିବା ସହ ସେମାନଙ୍କୁ କୋର୍ଟ ଚାଲାଣ କରାଯାଇଥିବା ପୋଲିସ ପକ୍ଷରୁ ସୂଚନା ମିଳିଛି ।