ସଂସଦରେ ବର୍ଷିଲେ ସାଂସଦ ରାଘବ ଚଡ୍ଡା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଣିପୁର ବର୍ବରତାକୁ ନେଇ ଜଳୁଛି ସାରା ଦେଶ । ଚାରିଆଡ଼େ ବିରୋଧୀଙ୍କ ହଙ୍ଗମା । ହଙ୍ଗାମାକୁ ନେଇ ଅଚଳ ରହୁଛି ଗୃହ । ଗତକାଲି ମଣିପୁର ପ୍ରସଙ୍ଗରେ ବିରୋଧ ପ୍ରଦର୍ଶନକୁ ନେଇ ଆପ ନେତା ସଞ୍ଜୟ ସିଂଙ୍କୁ ନିଲମ୍ବନ କରାଯାଇଛି । ସଞ୍ଜୟ ସିଂ ନିଲମ୍ବନକୁ ନେଇ ରାଜ୍ୟସଭାରେ ବର୍ଷିଛନ୍ତି ସାଂସଦ ରାଘବ ଚଡ୍ଡା । ସେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ଙ୍କୁ କହିଛନ୍ତି ପାର୍ଲାମେଣ୍ଟର ନିୟମ ଅନୁସାରେ କୌଣସି ସଦସ୍ୟ ନିଲମ୍ବନକୁ ନେଇ ଭୋଟିଂ କରାଯାଏ ।
କିନ୍ତୁ ଭୋଟିଂ କରାନଯାଇ ଆପ ସାଂସଦଙ୍କୁ ନିଲମ୍ବନ କରିବା ଭୁଲ । ସେପଟେ ପଏଣ୍ଟ ଅଫ୍ ଅର୍ଡର ବିଷୟରେ ଚେୟାରମ୍ୟାନ୍ ରାଘବଙ୍କୁ କହିଛନ୍ତି ଆପଣ ଜଣେ ଯବୁ ସାଂସଦ । ଏହି ପ୍ରସଙ୍ଗ ଉଠାଇବା ଆପଣ ପାଖେ ଶୋଭା ପାଉନି । ରାଗି ଯାଇ ଚଡ୍ଡା ଉତ୍ତରଖିଥିଲେ ଏଥିରେ ବରିଷ୍ଠ କି ଯୁବ ସହ କୌଣସି ସର୍ମ୍ପକ ନାହିଁ । ଏଥିସହ ଯଥାଶୀଘ୍ର ସଞ୍ଜୟ ସିଂଙ୍କୁ ନିଲମ୍ବନକୁ ପ୍ରତ୍ୟାହାର କରିବା ପାଇଁ ଦାବି କରିଛନ୍ତି ।