ବଢି ପାଣିରେ ଭାସିଗଲେ ଶହ ଶହ ଗୋରୁ

ବୌଦ୍ଧ(ବଡ଼ ଖବର ବ୍ୟୁରୋ): ପାଣିପିଇବାକୁ ନଦୀକୁ ଯାଇ ଭାସିଯାଇଛନ୍ତି ଗୋରୁପଲ । ବୌଦ୍ଧ ଜିଲ୍ଲା ହରଭଙ୍ଗାରୁ ଏହି ଦୃଶ୍ୟ ସାମ୍ନାକୁ ଆସିଛି । ମହାନଦୀରେ ପାଣି ପିଇବାକୁ ଶହ ଶହ ଗୋରୁ ଆସିଥିଲେ । ହଠାତ୍ ଏହି ସମୟରେ ନଦୀରେ ପାଣି ମାଡି ଆସିଥିଲା । ଫଳରେ ପାଣିପିଇବାକୁ ଆସିଥିବା ଶହ ଶହ ଗାଈ ଗୋରୁ ଭାସିଯାଇଥିଲେ ।

ହୀରାକୁଦ ଗେଟ ଖୋଲାଯିବା ପରେ ମହାନଦୀରେ ବି ପାଣି ବୃଦ୍ଧି ପାଇଛି । ତେବେ ନଦୀର ପାଣି ମାଡି ଆସିବାରୁ ଦୀର୍ଘ ସମମୟ ଧରି ଜଳବନ୍ଦୀ ଥିଲେ ଗୋରୁପଲ । ପରେ ସ୍ଥାନୀୟ ଲୋକ ଓ ଗାଈଆଳଙ୍କ ସହାୟତାରେ ଗୋରୁପଲଙ୍କୁ ଉଦ୍ଧାର କରାଯାଇଥିଲା ।