ସମ୍ବଲପୁର, (ବଡ଼ ଖବର ବ୍ୟୁରୋ): ଓଡ଼ିଶା ପାଇଁ ଗୌରବ ଆଣିଲେ ବୁର୍ଲା ଭିମସାରର ବରିଷ୍ଠ ଆବାସିକ ଡାକ୍ତର ସଞ୍ଜୀବ କୁମାର ମିଶ୍ର । ବିଶ୍ୱ ସ୍ୱାସ୍ଥ୍ୟ ସଙ୍ଗଠନ(ହୁ) ଇନଫୋଡ଼େମିକ ମ୍ୟାନେଜମେଣ୍ଟ କୋର୍ସ ପାଇଁ ସେ ମନୋନୀତ ହୋଇଛନ୍ତି । ଏହି କାର୍ଯ୍ୟକ୍ରମରେ ବିଶ୍ୱରୁ ପ୍ରାୟ ୨୦୦ ଡାକ୍ତର ଅଂଶ ଗ୍ରହଣ କରିବେ । ସର୍ବଭାରତୀୟ ସ୍ତରରେ ‍୧୨ ଜଣ ପ୍ରତିଯୋଗୀ ଅଂଶଗ୍ରହଣ କରିବେ । ଦେଶର ୧୨ ଜଣଙ୍କ ମଧ୍ୟରେ ରହିଛନ୍ତି ଭିମସାରର ଡାକ୍ତର ସଞ୍ଜୀବ । ଏହି ପାଠ୍ୟକ୍ରମରେ ଅଂଶଗ୍ରହଣକାରୀମାନେ ଇନଫେଡ଼େମିକ ପରିଚାଳନା ସ୍କିଲ ସେକ୍ଟରର ଏକ ସ୍ପେକ୍ଟ୍ରମ ଏବଂ ଇନଫୋଡେମିକ ପ୍ରୟୋଗ କରିବା ପାଇଁ ଆବଶ୍ୟକ ସ୍କିଲ ଉପରେ ଧ୍ୟାନ ଦେବେ।

ଡାକ୍ତର ସଞ୍ଜିବ ଅକ୍ଟୋବର ୧୮ରେ ଏଥିପାଇଁ ଆବେଦନ କରିଥିଲେ । ୨୭ ତାରିଖରେ ଏହି କାର୍ଯ୍ୟକ୍ରମରେ ସାମିଲ ହେବା ପାଇଁ ସେ ଚୟନ ହୋଇଥିବା ହୁ ପକ୍ଷରୁ ସୂଚନା ଦିଆଯାଇଛି । ଏହି ଟ୍ରେନିଂ କାର୍ଯ୍ୟକ୍ରମ ନଭେମ୍ବର ୩ ରୁ ୨୭ ତାରିଖ ପର୍ଯ୍ୟନ୍ତ ଚାଲିବ । ଏହା ବର୍ତ୍ତମାନ ସମୟରେ ଭର୍ଚୁଆଲ ମାଧ୍ୟମରେ ହେବ ବୋଲି ଜଣାପଡିଛି । ତେଵେ ଡାକ୍ତର ସଞ୍ଜିବ ମିଶ୍ର ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପକ୍ଷରୁ କାର୍ଯ୍ୟକ୍ରମରେ ସାମିଲ ହୋଇଥିବାରୁ ବେଶ ଖୁସି ଅଛନ୍ତି । ଏହି ଟ୍ରେନିଂ କାର୍ଯ୍ୟକ୍ରମରେ ସାମିଲ ହୋଇ ବେଶ ଭଲ ପ୍ରଦର୍ଶନ କରିବେ ବୋଲି କହିଛନ୍ତି ଡାକ୍ତର ସଞ୍ଜୀବ ମିଶ୍ର ।

 

Leave a Reply

Your email address will not be published. Required fields are marked *