ପାୱାର ରାଜ୍ୟ ରାଜନୀତିର ପ୍ରାଣ: ସଞ୍ଜୟ ରାଉତ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଶରଦ ପାୱାର ଇସ୍ତଫାକୁ ନେଇ ପ୍ରତିକ୍ରିୟା ରଖିଛନ୍ତି ସଞ୍ଜୟ ରାଉତ । ସେ କହିଛନ୍ତି ବାଲାସାହେବ ଠାକରେ ମଧ୍ୟ ଏହି ଭଳି ପଦରୁ ଇସ୍ତଫା ଦେଇଥିଲେ । ଶରଦ ପାୱାରଙ୍କୁ ଦଳର କିଛି ନେତା ପଦ ଛାଡ଼ିବା ଚାପ ପକାଉଥିବା ସଞ୍ଜୟ ରାଉତ କହିଛନ୍ତି । ସେ କହିଛନ୍ତି ଇତିହାସର ପୁନରାବୃତି ହୋଇଛି । ସେତେବେଳେ ଶିବସେନାର ଭଲ ପାଇବା ଯୋଗୁଁ ବାଲାସାହେବ ନିଷ୍ପତ୍ତି ପ୍ରତ୍ୟାହାର କରିଥିଲେ ।

ବାଲାସାହେବଙ୍କ ପରି ପାୱାର ମଧ୍ୟ ରାଜ୍ୟ ରାଜନୀତିର ପ୍ରାଣ ବୋଲି ସଞ୍ଜୟ ରାଉତ ଟ୍ୱିଟ କରିଛନ୍ତି। ପାୱାରଙ୍କୁ ବାଲାସାହେବଙ୍କ ସହିତ ତୁଳନା କରିଛନ୍ତି । ଖରାପ ରାଜନୀତି ଏବଂ ଅଭିଯୋଗ କାରଣରୁ ଇସ୍ତଫା ଦେଇଥିଲେ ବାଲାସାହେବ । ଶରଦ ପାୱାର ଇସ୍ତଫା ଦେବା ପରେ ମହାରାଷ୍ଟ୍ର ରାଜନୀତିରେ ହଇଚଇ ସୃଷ୍ଟି ହୋଇଛି ।