ଓଡିଆ ବିଶ୍ୱବିଦ୍ୟାଳୟର ପ୍ରଥମ କୁଳପତି ହେଲେ ସବିତା ପ୍ରଧାନ

ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରଫେସର ସବିତା ପ୍ରଧାନ ସତ୍ୟବାଦୀ ଓଡିଆ ବିଶ୍ୱ ବିଦ୍ୟାଳୟର ପ୍ରଥମ କୁଳପତି । କୁଳାଧିପତି ତଥା ରାଜ୍ୟପାଳ ପ୍ରଫେସର ଗଣେଶୀ ଲାଲ୍ ପ୍ରଫେସର ସବିତା ପ୍ରଧାନଙ୍କୁ ନିଯୁକ୍ତି ଦେଇଛନ୍ତି । ବର୍ତ୍ତମାନ ସେ ଶାନ୍ତିନିକେତନ ବିଶ୍ୱ-ଭାରତୀ ବିଶ୍ୱବିଦ୍ୟାଳୟର ଓଡିଆ ବିଭାଗର ପ୍ରଫେସର ଭାବେ କାର୍ଯ୍ୟରତ ଅଛନ୍ତି ।

ପ୍ରଫେସର ସବିତା ପ୍ରଧାନ ଜୁଲାଇ ୭, ୧୯୬୧ରେ ଜନ୍ମ ଗ୍ରହଣ କରିଥିଲେ । ସେ ଭାଷା ବିଜ୍ଞାନ, ଆଧୁନିକ ଓଡିଆ ସାହିତ୍ୟ, ଆଦିବାସୀ ଭାଷାରେ ପାରଦର୍ଶିତା ହାସଲ କରିଛନ୍ତି । ସେ ୨୦୧୬ରେ ବସନ୍ତ କୁମାରୀ ଦେବୀ ସମ୍ମାନ, ୨୦୧୫ରେ ଦିବ୍ୟଦୂତ ସମ୍ମାନ, ନିଶାମଣିମିଶ୍ର ପ୍ରବାଧ ସମ୍ମାନରେ ସମ୍ମାନିତ ହୋଇଛନ୍ତି ।