ଶିମିଳିପାଳ ବୁଲିବେ ମହାମହିମ
ଭୁବନେଶ୍ୱର (ବଡ଼ ଖବର ବ୍ୟୁରୋ): ଭଞ୍ଜମାଟିରେ ମୟୂରଭଞ୍ଜ ଝିଅ । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ୩ ଦିନିଆ ଓଡ଼ିଶା ଗସ୍ତର ଆଜି ଦ୍ୱିତୀୟ ଦିନ । ସକାଳ ୮ ଟା ୪୦ ମିନିଟ ସମୟରେ ଦାଣ୍ଡବୋଶରେ ପହଞ୍ଚିବେ ରାଷ୍ଟ୍ରପତି । ସେଠାରେ ପଣ୍ଡିତ ରଘୁନାଥ ମୁର୍ମୁଙ୍କ ଜୟନ୍ତୀ ଅବସରରେ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିବେ ।
ସେଠାରୁ ୯ଟା ୧୫ରେ ହେଲିପ୍ୟାଡ୍ ଯୋଗେ ଯଶିପୁର ଯିବେ । ଦିନ ୧୦ଟାରେ ଶିମିଳିପାଳ ଅଭୟାରଣ୍ୟ ପରିଦର୍ଶନ କରିବେ । ଅପରାହ୍ନରେ ବାରିପଦା ଗେଷ୍ଟ ହାଉସରେ ବିଭିନ୍ନ ବର୍ଗର ଲୋକଙ୍କୁ ଭେଟିବେ । ରାତ୍ରିଭୋଜନ ପରେ ସେଠାରେ ବିଶ୍ରାମ ନେବେ ମହାମହିମ ।