ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆମେରିକାର ଦକ୍ଷିଣ-ପୂର୍ବ ମିସିସିପିରେ ଏକ ଭୟଙ୍କର ଘୂର୍ଣ୍ଣିବଳୟ । ପ୍ରବଳ ବଜ୍ରପାତ ଘଟି ୧୯ ଜଣଙ୍କର ମୃତ୍ୟୁ ହୋଇଛି । ଯାହା ଶନିବାର ଏକ ରିପୋର୍ଟରେ ପ୍ରକାଶ ପାଇଛି। ମିସିସିପିର ଜରୁରିକାଳୀନ ପରିଚାଳନା ଏଜେନ୍ସି ରିପୋର୍ଟରେ କୁହାଯାଇଛି, ଶାର୍କି ଏବଂ ହାମ୍ଫ୍ରିସ୍ କାଉଣ୍ଟିରେ ଉଦ୍ଧାର କାର୍ୟ୍ୟ ଏବେ ବି ଜାରି ରହିଛି। ସାରା ରାଜ୍ୟରେ ଘୂର୍ଣ୍ଣିଝଡ଼ ନେଇ ଚେତାବନୀ ଦିଆଯାଇଛି।
ଗତକାଲି ବିଳମ୍ବିତ ରାତିରେ ରାଜ୍ୟରେ ପ୍ରବଳ ବଜ୍ରପାତ ହୋଇଥିଲା। ଏଥିସହ ଘୂର୍ଣ୍ଣିବଳୟ ମଧ୍ୟ ସୃଷ୍ଟି ହୋଇଥିଲା। ୟୁନାଇଟେଡ୍ କାଜୁନ ନାଭିର ଅଧ୍ୟକ୍ଷ ଟଡ୍ ଟେରେଲ କହିଛନ୍ତି, ମିସିସିପି ଟାଉନ ରୋଲିଂ ଫର୍କ ଏହି ଘୂର୍ଣ୍ଣିବଳୟ ମଧ୍ୟରେ ଅନ୍ୟତମ। ପରେ ରୋଲିଂ ଫର୍କର ଉତ୍ତର-ପୂର୍ବଠାରୁ ୧୦୦ ମାଇଲ ଦୂରରେ ଥିବା ଓ୍ବିନୋନା ସହର ପାଇଁ ଏକ ଘୂର୍ଣ୍ଣିବଳୟ ହେବ ବୋଲି ଜରୁରିକାଳୀନ ସତର୍କ ସୂଚନା ଜାରି କରାଯାଇଛି।
