କରୋନା ହେତୁ ଦେଶରେ ହ୍ରାସ ପାଇଛି ଯକ୍ଷ୍ମା ରୋଗୀଙ୍କ ସଂଖ୍ୟା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶରେ ହ୍ରାସ ପାଇଛି ଯକ୍ଷ୍ମା ରୋଗୀଙ୍କ ସଂଖ୍ୟା । ଗୁରୁବାର ଦିନ ପ୍ରକାଶିତ ଡବ୍ଲୁଏଚଓର ୨୦୨୧ ଗ୍ଲୋବାଲ୍ ଟିବି ରିପୋର୍ଟରୁ ଏହା ଜଣାପଡ଼ିଛି । ରିପୋର୍ଟ ଅନୁଯାୟୀ କୋଭିଡ୍-୧୯ ମହାମାରୀ ହେତୁ ୨୦୧୯ ରୁ ୨୦୨୦ ମଧ୍ୟରେ ଭାରତରେ ଯକ୍ଷ୍ମା ରୋଗର ରିପୋର୍ଟ ୪୧% ହ୍ରାସ ପାଇଛି। ଭାରତ, ଇଣ୍ଡୋନେସିଆ (୧୪%), ଫିଲିପାଇନ୍ସ (୧୨%) ଏବଂ ଚୀନ୍ (୮%) ଏହି ଶୀର୍ଷ ଚାରିଟି ଦେଶ ଯିଏକି ୨୦୧୯ ରୁ ୨୦୨୦ ମଧ୍ୟରେ ଯକ୍ଷ୍ମା ରିପୋର୍ଟ ହ୍ରାସ ପାଇଛି। ଏହି ଚାରୋଟି ସମେତ ପ୍ରାୟ ୧୬ ଟି ଦେଶରେ ଯକ୍ଷ୍ମା ରିପୋର୍ଟ ହ୍ରାସ ପାଇଥିବା ଜଣାପଡ଼ିଛି ।

ଜାତିସଂଘ ସ୍ୱାସ୍ଥ୍ୟ ଏଜେନ୍ସି ଏହାର ବାର୍ଷିକ ରିପୋର୍ଟରେ କହିଛି ଯେ ଗତ ବର୍ଷ ସାରା ବିଶ୍ୱରେ ୧.୫ ମିଲିୟନ ଲୋକ ଜୀବାଣୁ ଜନିତ ରୋଗରେ ପ୍ରାଣ ହରାଇଥିଲେ । ଯାହା ୨୦୧୯ ରେ ୧.୪ ମିଲିୟନ ମୃତ୍ୟୁରୁ ସାମାନ୍ୟ ବୃଦ୍ଧି ପାଇଛି। ଏହି ରିପୋର୍ଟରେ କୁହାଯାଇଛି ଯେ ଯକ୍ଷ୍ମା ରୋଗରେ ଆକ୍ରାନ୍ତ ଏବଂ ଜାତୀୟ ସରକାରଙ୍କୁ ରିପୋର୍ଟ କରାଯାଇଥିବା ଲୋକଙ୍କ ସଂଖ୍ୟା ୨୦୨୦ ରେ ୫.୧ ମିଲିୟନକୁ ହ୍ରାସ ପାଇଛି। ୨୦୧୯ ରେ ଏହି ସଂଖ୍ୟା ୭.୧ ମିଲିୟନ ଥିବା ଡବ୍ଲୁଏଚଓ ଆକଳନ କରିଛି। ବର୍ତ୍ତମାନ ପ୍ରାୟ ୪.୧ ନିୟୁତ ଲୋକ ଯକ୍ଷ୍ମା ରୋଗରେ ପୀଡିତ କିନ୍ତୁ ଏହି ରୋଗରେ ଆକ୍ରାନ୍ତ ହୋଇ ନାହାଁନ୍ତି। ୨୦୧୯ ରେ ଏହି ସଂଖ୍ୟା ୨.୯ ମିଲିୟନରୁ ବୃଦ୍ଧି ପାଇଛି।