ଆଉନାହାନ୍ତି ଶାନ୍ତିରାଜ

କଟକ(ବଡ଼ ଖବର ବ୍ୟୁରୋ):ଓଡ଼ିଆ ଫିଲ୍ମ ଜଗତର ଖ୍ୟାତନାମା ସଙ୍ଗୀତ ନିର୍ଦ୍ଦେଶକ ଶାନ୍ତିରାଜ ଖୋସଲା ଆଉ ଇହଜଗତରେ ନାହାନ୍ତି । କରୋନାରେ ଆକ୍ରାନ୍ତ ହୋଇ କଟକ ଏସିବି କରୋନା ହସ୍ପିଟାଲରେ ଚିକିତ୍ସିତ ହେଉଥିଲେ । ଆଜି ତାଙ୍କର ପରଲୋକ ହୋଇଯାଇଛି । ତାଙ୍କ ବିୟୋଗରେ ଓଡ଼ିଆ ଫିଲ୍ମ ଜଗତ ସ୍ତବ୍ଧ ହୋଇଯାଇଛି । ପ୍ରସିଦ୍ଧ ସଂଗୀତ ନିର୍ଦ୍ଦେଶକ ପ୍ରେମ ଆନନ୍ଦଙ୍କ ସମେତ ବହୁ ବିଶିଷ୍ଠ ବ୍ୟକ୍ତି ତାଙ୍କ ବିୟୋଗରେ ଶୋକ ପ୍ରକାଶ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଛନ୍ତି ।

କୋରାପୁଟ ଜିଲ୍ଲା ଜୟପୁରରେ ଜନ୍ମଗ୍ରହଣ କରିଥିବା ଶାନ୍ତିରାଜ ଜଣେ ଦକ୍ଷ ଗୀଟାରିଷ୍ଟ ଥିଲେ । କଟକ ଆସି ସେ ଓଡ଼ିଆ ଫିଲ୍ମ ଜଗତରେ ନିଜର ଭାଗ୍ୟ ପରୀକ୍ଷା କରିଥିଲେ । ପରେ ସେ ବିଭିନ୍ନ ଗୀତର ସ୍ୱର ସଂଯୋଜନା କରିବା ସହ ଓଡ଼ିଆ ଫିଲ୍ମକୁ ସଂଗୀତରେ ସଜାଇଥିଲେ । ଧନରେ ରଖିବୁ ଶପଥ ମୋର, ସପନର ସୌଦାଗର, ଡନ୍, ଏସିପି ରଣବୀର ଭଳି ୧୦ରୁ ୧୫ଟି ଓଡ଼ିଆ ଫିଲ୍ମରେ ସଂଗୀତ ନିର୍ଦ୍ଦେଶନା ଦେଇଛନ୍ତି ।