ପ୍ରଥମ ମହିଳା ଗଲ୍ଫର ଭାବେ ଏସୀୟ କ୍ରୀଡାରେ ଜିତିଲେ ରୌପ୍ୟ ପଦକ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚିନରେ ଚମକିଲେ ଭାରତୀୟ କ୍ରୀଡାବିତ । ଚୀନରେ ଚାଲିଥିବା ଏସୀୟ କ୍ରୀଡାରେ ଭାରତକୁ ପଦକ ପରେ ପଦକ ମିଳି ଚାଲିଛି । ଭାରତକୁ ଆଉ ଏକ ପଦକ ଜିତାଇଛନ୍ତି ଅଦିତି ଅଶୋକ ।ଗଲ୍ଫରେ ରୋପ୍ୟ ପଦକ ଜିତି ଇତିହାସ ରଚିଛନ୍ତି ଅଦିତି ଅଶୋକ ।
ଏସୀୟ କ୍ରୀଡାରେ ପ୍ରଥମ ଭାରତୀୟ ମହିଳା ଗଲ୍ଫର ଭାବେ ରୌପ୍ୟ ପଦକ ଜିତିଛନ୍ତି ଅଦିତି । ଅନ୍ୟପଟେ ଟିମ୍ ଇଭେଣ୍ଟରେ ଭାରତ ଚତୁର୍ଥ ନମ୍ବରରେ ରହିଛି । ଏହାଛଡା ଭାରତକୁ ସୁଟିଂରେ ଆଉ ଏକ ସ୍ୱର୍ଣ୍ଣପଦକ ମିଳିଛି । ପୁରୁଷ ଟ୍ରାପ୍ ଟିମ୍ ଇଭେଣ୍ଟରେ ଭାରତକୁ ସ୍ୱର୍ଣ୍ଣ ମିଳିଥିବା ସମାନ ବର୍ଗର ମହିଳା ଇଭେଣ୍ଟରେ ଭାରତୀୟ ମହିଳା ଦଳକୁ ରୌପ୍ୟ ମିଳିଛି । ଏବେ ସୁଦ୍ଧା ଭାରତ ମୋଟ ୧୧ଟି ସ୍ୱର୍ଣ୍ଣ ,୧୬ଟି ରୌପ୍ୟ ଓ ୧୪ଟି ବ୍ରୋଞ୍ଜ ସହ ୪୧ଟି ପଦକ ହାସଲ କରିଛି ।
