ବିସ୍ଥାପିତ ହେବାକୁ ନିବେଦନ କଲେ ଶିମିଳିବୋଲ ଗ୍ରାମବାସୀ

ନରସିଂହପୁର  (ବଡ଼ ଖବର ବ୍ୟୁରୋ): ଗ୍ରାମବାସୀଙ୍କର ଏକର ଏକର ଜମିରେ ପାଣି ପଶିବ । ଜନଜୀବନ ଅସ୍ତବ୍ୟସ୍ତ ହେବ। ଜଙ୍ଗଲ ଜନ୍ତୁ ଗାଁ ମୁହାଁ ହେବେ । ତେବେ କିପରି ଚଳିବେ ଗ୍ରାମବାସୀ । ଭୟରେ ଗାଁ ଛାଡିବାର ନିଷ୍ପତି ନେଇଛନ୍ତି ଗ୍ରାମବାସୀ । ଏଭଳି ଘଟଣା ଦେଖିବାକୁ ମିଳିଛି ନରସିଂହପୁର ବ୍ଲକର ଓଲବ ଅଞ୍ଚଳର ଶିମିଳିବୋଲ ଗ୍ରାମରେ । ନରସିଂହପୁର ବ୍ଲକର ଓଲବ ଅଞ୍ଚଳର ଶିମିଳିବୋଲ ଗ୍ରାମ ଦେଇ ହାଡୁଆ ଜଳସେଚନ ପ୍ରକଳ୍ପ ପାଇଁ ଜମି ଅଧିଗ୍ରହଣ ପ୍ରସ୍ତାବିତ ସରିଛି। ଏହାରି ଭିତରେ ଶିମିଳିବୋଲ ଗ୍ରାମବାସୀମାନେ କ୍ଷୋଭ ପ୍ରକାଶ କରିଛନ୍ତି। ଗ୍ରାମବାସୀଙ୍କର ଏକର ଏକର ଜମିରେ ପାଣି ପଶିବ ତେବେ କିପରି ଚଳିବେ ଗ୍ରାମବାସୀ। ସାହି ଠାରୁ ୧୦୦ମିଟର ଦୂରରେ ପାଣି ଚାଲିବ ଜଙ୍ଗଲ ଜନ୍ତୁ ଗାଁ ମୁହାଁ ହେବେ। ଜନଜୀବନ ଅସ୍ତବ୍ୟସ୍ତ ହେବ। ଏନେଇ ଗଣମାଧ୍ୟମ ଜରିଆରେ ବିସ୍ଥାପିତ ହୋଇଯିବାକୁ ଅନୁରୋଧ କରିଛନ୍ତି ଗ୍ରାମବାସୀ । ପିଲାଛୁଆ ପରିବାର ନେଇ ଜଳ ଓ ଜଙ୍ଗଲ ଜନ୍ତୁଙ୍କ ସହ ସଂଘର୍ଷ ନ କରି ବିସ୍ଥାପନ ପାଇଁ ଅନୁରୋଧ ରଖିଛନ୍ତି ଗ୍ରାମବାସୀ।