ପୂର୍ବ ଶତ୍ରୁତାରୁ କୋଇଡାରେ ଫୁଟିଲା ଗୁଳି

କୋଇଡ଼ା (ବଡ଼ ଖବର ବ୍ୟୁରୋ): ପୂର୍ବ ଶତ୍ରୁତାରୁ କୋଇଡାରେ ଫୁଟିଲା ଗୁଳି । ଢାବା ମାଲିକ ଓ ସହଯୋଗୀଙ୍କୁ ଗୁଳି । ଏଭଳି ଅଭାବନୀୟ ଘଟଣା ଘଟିଛି କୋଇଡା ଥାନା ମାଲଦା ଗ୍ରାମରେ । ଢ଼ାବା ମାଲିକଙ୍କ ମୃତୁ୍ୟ ହୋଇଥିବାବେଳ ସହଯୋଗୀ ଆହତ ହୋଇଛନ୍ତି । ମୃତ ଢାବା ମାଲିକ ହେଲେ ରମେଶ ଚାତମ୍ବ । ରମେଶ ଓ ତାଙ୍କ ସହଯୋଗୀ ରାମ ପୂର୍ତ୍ତି ଏକ କାର୍ଯ୍ୟକ୍ରମରୁ ପରିବାର ସହିତ ଫେରିଥିବା ସମୟରେ ନିଜ ଢ଼ାବାରେ ପହଞ୍ଚିଥିଲେ ।

ପରେ ୨ ଜଣ ଦୁର୍ବୃତ୍ତ ବାଇକରେ ଆସି ମିଲ୍ ଅଛିକି ନାହିଁ ପଚାରିଥିଲେ । ରମେଶ ମିଲ ନଥିବା କହିବା ପରେ ହଠାତ୍ ଗୁଳି ଫୁଟାଇଥିଲେ । ଉଭୟଙ୍କୁ ଯୋଡ଼ା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ଡାକ୍ତର ରମେଶଙ୍କୁ ମୃତ ଘୋଷଣା କରିଥିଲେ । କୋଇଡା ପୋଲିସ୍ ଘଟଣସ୍ଥଳରେ ପହଞ୍ଚି ଘଟଣାର ତଦନ୍ତ ଚଳାଇଛି ।