ସହରରେ ଭାଲୁ

ସିନାପାଲି(ବଡ଼ ଖବର ବ୍ୟୁରୋ): ନୂଆପଡା ଜିଲ୍ଲା ସିନାପାଲି ସହରରେ ମାତିଛି ଭାଲୁ । ସିନାପାଲି ବନବିଭାଗର କୁମ୍ଭକର୍ଣ୍ଣ ନିଦ୍ରା ଯୋଗୁଁ ବାରମ୍ବାର ଏଭଳି ପରିସ୍ଥିତି ସୃଷ୍ଟି ହେଉଛି । ସହରର କାପ୍ସିସ୍ଥିତ ଧର୍ମଗଡ ମୁଖ୍ୟରାସ୍ତାରେ କାଲି ରାତି ୩ ଟାରେ ଗୋଟିଏ ଭାଲୁ ଏକ ଘଣ୍ଟାଧରି ଛକରେ ବୁଲୁଥିବା କିଛି ଲୋକ ଦେଖିଥିଲେ । ସିସିଟିଭିରେ ମଧ୍ୟ ଏହି ଦୃଶ୍ୟ କଏଦ ହୋଇଛି । ବର୍ଷେ ତଳେ ମଧ୍ୟଏହି ସ୍ଥାନକୁ ରାତିରେ ଭାଲୁ ଆସିଥିଲା । ହେଲେ ବନ ବିଭାଗ କର୍ମଚାରୀମାନେ ରାତିରେ ପାଟ୍ରୋଲିଂ କରୁନଥିବାରୁ ଏବେ ସହରବାସୀଙ୍କ ଜୀବନ ବିପଦରେ । ସହରମୁହାଁ ଭାଲୁକୁ ନେଇ ଲୋକଙ୍କୁ ଭୟ ଘାରିଛି । ବନବିଭାଗର କର୍ମଚାରୀମାନେ ରାତିରେ ପାଟ୍ରୋଲିଂ କରିବା ଜରୁରୀ ହୋଇପଡିଛି ।