୧୪ ଦିନିଆ ରିମାଣ୍ଡରେ ଗଲେ ୬ ଆତଙ୍କବାଦୀ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଗତକାଲି ଆତଙ୍କବାଦୀଙ୍କ ଷଡ଼ଯନ୍ତ୍ରୀକୁ ପଂଡୁର କରି ୬ ଜଣ ଆତଙ୍କବାଦୀଙ୍କୁ ସ୍ପେଶାଲ ସ୍କ୍ୱାଡ଼ ଗିରଫ କରିଥିଲା । ଗିରଫ ହୋଇଥିବା ୬ ଆତଙ୍କବାଦୀଙ୍କୁ ଆଜି ରିମାଣ୍ଡରେ ନିଆଯାଇଥିବାର ସୂଚନା ମିଳିଛି । ତେବେ ମହମ୍ମଦ ଶେଖ, ଓସାମା, ମୁଲଚନ୍ଦ ଏବଂ ମହମ୍ମଦ ଅବୁ ବକରଙ୍କୁ ୧୪ ଦିନିଆ ରିମାଣ୍ଡରେ ପଠାଯାଇଛି । ଅପରପକ୍ଷରେ ଏହି ମାମଲାରେ ଆଉ ଦୁଇ ଜଣ ଆତଙ୍କବାଦୀ ଜିସାନ କମର ଏବଂ ଆମିର ଜାବେଦଙ୍କୁ ଆଜି କୋର୍ଟରେ ହାଜର କରାଯିବ । କେବଳ ଏତିକି ନୁହେଁ ବରଂ ଗିରଫ ହୋଇଥିବା ୪ ଆତଙ୍କବାଦୀଙ୍କୁ ବର୍ତ୍ତମାନ ଦିଲ୍ଲୀ ପୁଲିସର ସ୍ପେଶାଲ ସେଲକୁ ହସ୍ତାନ୍ତର କରାଯାଇଛି ।
ଏମାନଙ୍କ ମଧ୍ୟରୁ ୨ ଜଣ ଆତଙ୍କବାଦୀ ପାକିସ୍ତାନରୁ ଟ୍ରେନିଂ ନେଇଥିବାର କଥା ସାମ୍ନାକୁ ଆସିଛି । ଏହି ଅଭିଯୁକ୍ତମାନଙ୍କୁ ୟୁପି, ମହାରାଷ୍ଟ୍ର ଏବଂ ଦିଲ୍ଲୀରୁ ଗିରଫ କରାଯାଇଛି । ସେମାନଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଏବଂ ଗୁଳି ଜବତ ହୋଇଛି । ଅନ୍ୟପଟେ ଏହି ସବୁ ଆତଙ୍କବାଦୀମାନେ ଦିଲ୍ଲୀ, ମହାରାଷ୍ଟ୍ର ଓ ଉତ୍ତରପ୍ରଦେଶରେ ବଡ଼ ଧରଣର ଆକ୍ରମଣ କରିଥିବାର ସୂଚନା ମିଳିଛି ।