ବିୟର କ୍ୟାନରେ ଫସିଲା ଢ଼ମଣା

ଭୁବନେଶ୍ଵର (ବଡ଼ ଖବର ବ୍ୟୁରୋ): ଅନଗୁଳ ଜିଲ୍ଲା ଛେଣ୍ଡିପଦା ବ୍ଲକ ବାଗଡ଼ିଆ ଗ୍ରାମରେ ଉମାକାନ୍ତ ବେହେରାଙ୍କ ବାଡିରେ ଏକ ଢ଼ମଣା ସାପ ପରିତ୍ୟକ୍ତ ବିୟର କ୍ୟାନ ଭିତରେ ମୁଣ୍ଡ ପୁରେଇ ଛଟପଟ ହେଉଥିଲା । ସାପଟିକୁ ଉଦ୍ଧାର କରିବା ପାଇଁ ଉମାକାନ୍ତ ସ୍ନେକ ହେଲ୍ପ ଲାଇନକୁ ଖବର ଦେଇଥିଲେ । ସ୍ନେକ ହେଳ୍ପ ଲାଇନ ସଦସ୍ୟ ହିମାଂଶୁ ଶେଖର ଦେହୁରୀ ଘଟଣା ସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ ।

https://www.youtube.com/watch?v=Iqy_gWkkAD0

ଏକ କଇଁଚି ସାହାଯ୍ୟରେ ବିୟର କ୍ୟାନକୁ କାଟି ବାହାର କରିବା ପରେ ସାପଟି ମୃତ୍ୟୁ ଫାଶରୁ ମୁକୁଳିଥିଲା । ସୌଭାଗ୍ୟବଶତଃ ସାପଟି ବେକରେ ଆଘାତ ଲାଗିନଥିଲା । ସାପଟିର ଲମ୍ବ ପ୍ରାୟ ସାଢ଼େ ୫ ଫୁଟ ହେବ । ସାପଟିକୁ ଗାଁ ଠାରୁ ଦୂରରେ ଏକ ପ୍ରାକୃତିକ ଆବାସ ସ୍ଥଳୀରେ ଛାଡି ଦେଇଥିଲେ ।