ପାରଳାଖେମୁଣ୍ଡି(ବଡ଼ ଖବର ବ୍ୟୁରୋ): ପୁଣି ଖୋଲିବ ଏସିଏଫ ସୌମ୍ୟରଞ୍ଜନ ହତ୍ୟା ଫାଇଲ। ପୁଣି ମାମଲାର ବିଚାର ହେବ । ସୌମ୍ୟରଞ୍ଜନଙ୍କ ବାପା ଅଭିରାମ ମହାପାତ୍ରଙ୍କ ଆବେଦନକୁ ଗ୍ରହଣ କରି ନିଷ୍ପତ୍ତି ଦେଇଛନ୍ତି ପାରଳାଖେମୁଣ୍ଡି ଏସଡିଜେଏମ । ସମସ୍ତ ଅଭିଯୁକ୍ତଙ୍କୁ ସମନ କରାଯାଇଛି । ଏପ୍ରିଲ ୨୭ ତାରିଖରେ ହାଜର ହେବାକୁ କୁହାଯାଇଛି । ମୃତ୍ୟୁ ମାମଲାରେ ପତ୍ନୀ ବିଦ୍ୟାଭରତୀ ପଣ୍ଡା, ଡିଏଫଓ ସଂଗ୍ରାମ କେଶରୀ ବେହେରା ଏବଂ ରୋଷେୟା ମନ୍ମଥ କୁମ୍ଭଙ୍କ ବିରୋଧରେ ହତ୍ୟା ଏବଂ ଅପରାଧିକ ଷଡଯନ୍ତ୍ର ରଚିବାକୁ ନେଇ ବିଚାର କରାଯିବ ।
ସମସ୍ତ ଦସ୍ତାବିଜ ଏବଂ ଆବେଦନକୁ ତର୍ଜମା କରି କୋର୍ଟ ଏହାର ବିଚାର କରିବା ପାଇଁ କହିଛନ୍ତି । ତେବେ ସୂଚନା ଅନୁସାରେ, ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହକାରୀ ବନ ସଂରକ୍ଷକ ସୌମ୍ୟରଞ୍ଜନ ମହାପାତ୍ରଙ୍କୁ ଅର୍ଦ୍ଧଦଗ୍ଧ ଅବସ୍ଥାରେ ଉଦ୍ଧାର କରାଯାଇଥିଲା । ଗୁରୁତର ଅବସ୍ଥାରେ ତାଙ୍କୁ ପାରଳାଖେମୁଣ୍ଡି ମେଡିକାଲରେ ଭର୍ତ୍ତି କରାଯାଇଥିଲା। ଏବଂ ଚିକିତ୍ସିତ ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଥିଲା । ୨୦୨୧ ଜୁଲାଇରେ ସୌମ୍ୟରଞ୍ଜନ ମହାପାତ୍ରଙ୍କର ମୃତୁ୍ୟ ହୋଇଥିଲା ।
