ଆଉ ଜଣେ ବଲିଉଡ୍ ଅଭିନେତାଙ୍କ ପରଲୋକ
ଭୁବନେଶ୍ୱର (ବଡ଼ ଖବର ବ୍ୟୁରୋ): ପରଲୋକରେ ଭେଟରାନ ବଲିଉଡ୍ ଅଭିନେତା ସୌମିତ୍ର ଚାଟାର୍ଜୀ। ପ୍ରାୟ ଏକ ମାସ ଚିକିତ୍ସିତ ହେବା ପରେ ଆଜି ସେ କୋଲକାତାର ବେଲେଭ୍ୟୁ ନର୍ସିଂହୋମରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କୁ ୮୫ ବର୍ଷ ବୟସ ହୋଇଥିଲା। ଅକ୍ଟୋବର ୬ରେ ସେ କରୋନା ପଜିଟିଭ୍ ଚିହ୍ନଟ ହୋଇଥିଲେ। କରୋନାରୁ ସୁସ୍ଥ ହେବା ପରେ ମଧ୍ୟ ତାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସି ନ ଥିଲା। ସେବେଠାରୁ ସେ ଚିକିତ୍ସାଧୀନ ଥିଲେ।
ସୌମିତ୍ର ଚାଟାର୍ଜୀଙ୍କର ଏକ ଚମତ୍କାର କ୍ୟାରିୟର ଥିଲା। ୬ ଦଶନ୍ଧିର ତାଙ୍କ ଫିଲ୍ମ କ୍ୟାରିୟରରେ ସେ ୩୦୦ରୁ ଅଧିକ ଫିଲ୍ମରେ ଅଭିନୟ କରିଥିଲେ। ନିର୍ଦ୍ଦେଶକ ସତ୍ୟଜିତ ରାୟଙ୍କ ସେ ପ୍ରିୟ ଅଭିନେତା ଥିଲେ। ୨୦୧୨ରେ ସମ୍ମାନଜନକ ଦାଦାସାହେବ ଫାଲକେ ପୁରସ୍କାର ପାଇଥିଲେ। ୨୦୦୪ରେ ପଦ୍ମଭୂଷଣ ଓ ୩ଥର ଜାତୀୟ ପୁରସ୍କାର ପାଇଥିଲେ। ୨୦୧୮ରେ ତାଙ୍କୁ ଫ୍ରାନ୍ସର ସର୍ବୋଚ୍ଚ ନାଗରିକ ପୁରସ୍କାର ଲେଜିଅନ୍ ଅଫ୍ ଅନର୍ ପ୍ରଦାନ କରାଯାଇଥିଲା।