ତାମିଲନାଡୁର ନୂତନ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ଷ୍ଟାଲିନ
ଚେନ୍ନାଇ(ବଡ଼ ଖବର ବ୍ୟୁରୋ): ୩୩ଜଣ କ୍ୟାବିନେଟ ସଦସ୍ୟଙ୍କ ସହ ଶପଥ ଗ୍ରହଣ କଲେ ତାମିଲନାଡୁର ନୂତନ ମୁଖ୍ୟମନ୍ତ୍ରୀ ଏମକେ ଷ୍ଟାଲିନ । ଆଜି ଚେନ୍ନାଇସ୍ଥିତ ରାଜଭବନରେ ରାଜ୍ୟପାଳ ବନୱାରିଲାଲ ପୁରୋହିତ ତାଙ୍କୁ ଶପଥପାଠ କରାଇଛନ୍ତି । ମୁଖ୍ୟମନ୍ତ୍ରୀ ହେବା ସହ ରାଜ୍ୟର ଗୃହମନ୍ତ୍ରୀ ଭାବେ ମଧ୍ୟ ଶପଥ ନେଇଛନ୍ତି ଷ୍ଟାଲିନ । ପ୍ରଶାସନିକ ଏବଂ ପୁଲିସ ସେବା, ସାଧାରଣ ପ୍ରଶାସନ, ସର୍ବଭାରତୀୟ ସେବା, ଜିଲ୍ଲା କଲ୍ୟାଣ ସମେତ ଅନ୍ୟାନ୍ୟ ବିଭାଗ ଷ୍ଟାଲିନଙ୍କ ଅଧିନରେ ରହିବ ।
ତେବେ ଷ୍ଟାନିଲଙ୍କ ମନ୍ତ୍ରୀମଣ୍ଡଳରେ ଥିବା ମନ୍ତ୍ରୀମାନଙ୍କ ମଧ୍ୟରୁ ୧୫ଟି ନୂଆ ମୁହଁ ଦେଖିବାକୁ ମିଳିଛି । ଆଉ ୧୮ଜଣ ପୂର୍ବରୁ ତାମିଲନାଡ଼ୁର ସରକାରଙ୍କ ବିଭିନ୍ନ ବିଭାଗରେ ମନ୍ତ୍ରୀ ରହିଛନ୍ତି । ତେବେ ଚଳିତ ନିର୍ବାଚନରେ ଷ୍ଟାଲିନଙ୍କ ଡିଏମକେର ବିଜୟ ପରେ ସରକାର ଗଠନ ପାଇଁ ବୁଧବାର ଷ୍ଟାଲିନ ରାଜ୍ୟପାଳଙ୍କୁ ଦାବି ଉପସ୍ଥାପନ କରିଥିଲେ । ଆଜି ତାମିଲନାଡ଼ୁରେ ସରକାର ଗଢ଼ିଛନ୍ତି ।