ଭୁୁବନେଶ୍ୱର (ବଡ଼ ଖବର ବ୍ୟୁରୋ): ମେଣ୍ଟ ଚର୍ଚ୍ଚାକୁ ଖଣ୍ଡନ କଲେ ବିଜେପି ରାଜ୍ୟ ନିର୍ବାଚନ ପ୍ରଭାରୀ । ମନମୋହନ ସାମଲଙ୍କ ପରେ ଖଣ୍ଡନ କଲେ ବିଜୟପାଲ ସିଂ ତୋମାର । ମେଣ୍ଟ ଚର୍ଚ୍ଚା ବିଜେଡି ହିଁ ଆଗକୁ ବଢାଉଛି । ମେଣ୍ଟ ନେଇ ସେ ଭଳି କିଛି ଆଲୋଚନା ହୋଇନି । ରାଷ୍ଟ୍ରୀୟ ଅଧ୍ୟକ୍ଷ ଓ କେନ୍ଦ୍ରୀୟ ନେତୃତ୍ୱଙ୍କ ସହ କଥା ହୋଇଛି । ସେ କହିଛନ୍ତି ଯେ, ତାଙ୍କ ଜାଣିବାରେ କୌଣସି ମେଂଟ ହେଉ ନାହିଁ । ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ଓ ଅନ୍ୟ ନେତାଙ୍କ ସହ କଥା ହୋଇଛନ୍ତି, ହେଲେ ମେଣ୍ଟ ନେଇ କୌଣସି ଚର୍ଚ୍ଚା ହୋଇନଥିବା ସେ କହିଛନ୍ତି ।
ଓଡ଼ିଶାରେ ବିଜେପି ଏକାକୀ ଲଢ଼ିବ । ୮୦ ଅଧିକ ବିଧାନସଭା ଓ ୧୬ ଲୋକସଭା ଆସନ ଜିତିବ ବୋଲି କହିଛନ୍ତି ବିଜୟ ପାଲ ସିଂ ତୋମାର । ଗତକାଲି ଦିଲ୍ଲୀରୁ ଫେରିବା ପରେ ମେଂଟ ହେବ ନାହିଁ ବୋଲି କହିଥିଲେ ରାଜ୍ୟ ବିଜେପି ସଭାପତି ମନମୋହନ ସାମଲ । ସେପଟେ ଆଜି ବିଜେପି ପ୍ରଥମ ପର୍ୟ୍ୟାୟ ପ୍ରାର୍ଥୀ ତାଲିକା ଘୋଷଣା କରିପାରେ । ପ୍ରଥମ ପର୍ୟ୍ୟାୟରେ ଶହେ ଜଣଙ୍କ ନାଁ ଘୋଷଣା କରିପାରେ ଦଳ । ଏହି ତାଲିକାରେ ଓଡ଼ିଶାର କାହା ନାଁ ରହିଛି, ତା ଉପରେ ସମସ୍ତଙ୍କ ନଜର ରହିଛି ।
