ଭୁବନେଶ୍ୱର(ବଡ଼ ଖବର ବ୍ୟୁରୋ): ରୋଜଭ୍ୟାଲି ଚିଟଫଣ୍ଡ ଠକେଇ ମାମଲାରେ ଦୁଇ ଦିନ ତଳେ କଲିକତାରୁ ଶୁଭ୍ରା କୁଣ୍ଡୁଙ୍କୁ ସିବିଆଇ ଗିରଫ କରିଥିବା ବେଳେ ଆଜି ତାଙ୍କୁ ଭୁବନେଶ୍ୱର ଅଣାଯାଇଛି । ଓଡିଶାରେ ରୋଜଭ୍ୟାଲି ଚିଟଫଣ୍ଡ ଠକେଇ ମାମଲାରେ ଅଧିକ ପଚରାଉଚୁରା କରାଯିବ ବୋଲି ଜଣାପଡିଛି । ରାଜ୍ୟରେ ଠକେଇ, ଏଥିରେ ଆଉ କିଏ କିଏ ଜଡିତ, ଏଦିଗରେ ଅଧିକ ଖୋଳତାଳ କରିବା ପାଇଁ ଓଡିଶା ଆଣିଛି ସିବିଆଇ । ଶୁଭ୍ରା କୁଣ୍ଡୁ ରୋଜଭ୍ୟାଲି ଚେୟାରମ୍ୟାନ ହୋଇଥିବା ବେଳେ ଏହାର ମୁଖ୍ୟ ଗୌତମ କୁଣ୍ଡୁଙ୍କ ସ୍ତ୍ରୀ । ଦେଶରେ ୧୨ହଜାର କୋଟି ଟଙ୍କାର ଠକେଇ ମାମଲାରେ ମୁଖ୍ୟ ଅଭିଯୁକ୍ତ ଗୌତମ କୁଣ୍ଡୁକୁ ୨୦୧୫ ମାର୍ଚ୍ଚରେ ଗିରଫ କରାଯାଇଛି ।
