ଭାରତୀୟ ଯବାନଙ୍କୁ ସଫଳତା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତ-ପାକିସ୍ତାନ ସୀମାରେ ୨ ପାକିସ୍ତାନୀ ଅନୁପ୍ରବେଶକାରୀ ନିହତ । ଅଟାରୀ ସୀମାରେ ସୁରକ୍ଷାକର୍ମୀଙ୍କ ଗୁଳିରେ ୨ ଅନୁପ୍ରବେଶକାରୀ ନିହତ ହୋଇଥିବା ସୂଚନା ମିଳିଛି । ଅନୁପ୍ରବେଶ ଉଦ୍ୟମକୁ ପଣ୍ଡ କଲେ ବିଏସଏଫ ଯବାନ । ଅମୃତସରର ଅଟାରୀ ସୀମାରେ ବିଳମ୍ବିତ ରାତିରେ ଦୁଇ ପାକିସ୍ତାନୀ ଅନୁପ୍ରବେଶକାରୀ ଅନୁପ୍ରବେଶ କରିବାକୁ ଉଦ୍ୟମ କରିଥିଲେ । ପରେ ଉଭୟ ପକ୍ଷରୁ ଗୁଳି ବର୍ଷଣ ଆରମ୍ଭ ହୋଇଥିଲା ।

ବିଏସଏଫ ଯବାନଙ୍କ ଗୁଳିରେ ଦୁଇ ଜଣ ଅନୁପ୍ରବେଶକାରୀ ନିହତ ହୋଇଥିବା ସୂଚନା ମିଳିଛି । ଅନୁପ୍ରବେଶକାରୀଙ୍କ ପାଖରେ ହତିଆର ମହଜୁଦ ଥିବା ମଧ୍ୟ ଅନୁମାନ କରାଯାଉଛି । ଅନ୍ୟପଟେ ନଭେମ୍ବର ୭-୮ ତାରିଖରେ କାଶ୍ମୀରର କୁପୱାଡ଼ାରେ ଆତଙ୍କବାଦୀମାନେ ଅନୁପ୍ରବେଶ କରୁଥିବା ସମୟରେ ସୋମାନଙ୍କ ଅନୁପ୍ରବେଶ ଉଦ୍ୟମ ପଣ୍ଡ କରିଥିଲେ ଜବାନ । ଆତଙ୍କବାଦଙ୍କ ଏହି ଅପରେଶନରେ ଦୁଇଜଣ ଭାରତୀୟ ଯବାନ ମଧ୍ୟ ସହୀଦ ହୋଇଥିଲେ ।